.webp)
Advertisement
सीबीएसई बोर्डाने बारावीच्या परीक्षा रद्द करण्यासंबंधी नोटीस जारी केली आहे. यात विद्यार्थ्यांच्या मूल्यांकनाच्या निकषांबाबत ( Objective Criteria) माहिती देण्यात आली आहे. हा ऑब्जेक्टिव क्रायटेरिया काय आहे? कोणत्या आधारे विद्यार्थ्यांना गुण मिळणार? (CBSE 12th Assessment) सीबीएसई बारावीचा निकाल तयार करण्यासाठी सीबीएसईची मार्किंग स्कीम (CBSE Marking Scheme) काय आहे?जाणून घ्या... CBSE 12th result 2021: कसा तयार होणार निकाल? सीबीएसईने दहावीच्या विद्यार्थ्यांच्या मूल्यांकनासाठीदेखील ऑब्जेक्टिव क्रायटेरिया अवलंबला होता. त्याच प्रकारे आता सीबीएसई बारावीच्या विद्यार्थ्यांचे मूल्यांकनदेखील होणार आहे. म्हणजेच विद्यार्थ्याला मिळणाऱ्या गुणांमध्ये त्याच्या शाळेतील कामगिरीची मोठी भूमिका असेल. शाळेत संपूर्ण वर्षात झालेले अंतर्गत मूल्यांकन बारावीचा निकाल तयार करताना महत्त्वाचे मानले जाणार आहे. हे अंतर्गत गुण शाळा देणार आहेत. त्यामुळे शाळांकडून कोणा विद्यार्थ्याला त्याच्या योग्यतेपेक्षा अधिक गुण दिले जाऊ नयेत म्हणून रेफरन्स इयर पॉलिसी (CBSE Reference Year Policy) लागू केली जाणार आहे. दहावीच्या निकालासाठी देखील सीबीएसईने ही पॉलिसी लागू केली आहे. यानुसार, प्रत्येक शाळेला मागील तीन वर्षांपैकी कोणत्याही एका वर्षाला (जे वर्ष बेस्ट परफॉर्मन्सचं वर्ष असेल) रेफरन्स इयर बनवलं जाईल. त्यामुळे शाळा आपल्या विद्यार्थ्यांना त्या रेफरन्स वर्षाच्या चौकटीतच गुण देतील, जास्त गुण देऊ शकणार नाहीत. सीबीएसईच्या सूत्रांनी यासंदर्भात माहिती दिली आहे. त्यानुसार, आता सीबीएसई बोर्ड (CBSE Board) एका समितीची स्थापना करणार आहे. ही समिती निकाल तयार करण्याचे वैकल्पिक पद्धतींची शिफारस करेल. सीबीएसईद्वारे लवकरच बारावी निकालाची मार्किंग स्कीम व इव्हॅल्युएशन पॉलिसी जारी केली जाईल.
from Career News in Marathi: Career News, मराठी Career बातम्या | Maharashtra Times https://ift.tt/3vISHR1
via nmkadda
