.webp)
Advertisement
म. टा. प्रतिनिधी, पुणे सावित्रीबाई फुले पुणे विद्यापीठाने अभ्यासक्रमांमध्ये 'गिर्यारोहण आणि संलग्न साहसी क्रीडाप्रकार' या नव्या अभ्यासक्रमाचा समावेश केला आहे. या अभ्यासक्रमासाठीची यंदाच्या वर्षासाठी प्रवेश प्रक्रिया सुरू झाली आहे. गिर्यारोहण आणि साहसी खेळ या विषयातील तंत्रशुद्ध प्रशिक्षण मिळण्याची व्यवस्था अद्याप कोणत्याही विद्यापीठामध्ये उपलब्ध नाही. त्यामुळे या विषयातील तंत्रशुद्ध प्रशिक्षण मिळावे यासाठी पुणे विद्यापीठाने 'गिर्यारोहण आणि संलग्न साहसी क्रीडाप्रकार' या डिप्लोमा अभ्यासक्रम सुरू केला आहे. त्यासाठी क्रीडा व शारीरिक शिक्षण मंडळाचे संचालक डॉ. दीपक माने यांनी सहकार्य केले आहे. त्यासाठीची शैक्षणिक वर्ष २०२१-२२ ची प्रवेश प्रक्रिया सुरू झाली आहे. या कोर्ससाठी गिरिप्रेमी संस्थेच्या गार्डियन गिरिप्रेमी इन्स्टिट्यूट ऑफ माऊंटेनियरिंग (जीजीआयएम) संस्थेचे सहकार्य मिळणार आहे. या प्रवेश प्रक्रियेसाठी मदत हवी असल्यास इच्छुकांनी 'जीजीआयएम'च्या कार्यालयाशी संपर्क साधावा, असे आवाहन करण्यात आले आहे. या अभ्यासक्रमाबाबत अधिक माहिती विद्यापीठाच्या वेबसाइटवरील शारीरिक शिक्षणशास्त्र विभागाच्या पेजवर उपलब्ध आहे. कोर्सची वैशिष्ट्ये - भारतातील पहिला गिर्यारोहण डिप्लोमा - डिप्लोमा प्रमाणपत्रााबरोबरच नेहरू इन्स्टिट्यूट ऑफ माउंटेनिअरिंग, उत्तर काशी येथे २३ दिवसांचा बेसिक माउंटेनिअरिंग कोर्स करणे शक्य. त्याचे वेगळे प्रमाणपत्र मिळणार आहे. - गिर्यारोहण आणि साहसी खेळ या क्षेत्रात करिअर करणाऱ्यांसाठी उपयुक्त, - प्रवेश घेण्यासाठी गिर्यारोहणातील पूर्वानुभवाची गरज नाही. - गिरिप्रेमी संस्थेमार्फत कोर्सचे संचालन अशा प्रकारचा नाविन्यपूर्ण पदविका आणि प्रमाणपत्र अभ्यासक्रम राबविणारे सावित्रीबाई फुले हे भारतातील पहिले विद्यापीठ ठरणार आहे. त्याचप्रमाणे गिर्यारोहण आणि संलग्न साहसी क्रीडाप्रकारमध्ये ज्यांना व्यावसायिक करियर करायचे आहे, त्यांच्यासाठी हा अभ्यासक्रम अतिशय उपयुक्त आहे. - उमेश झिरपे, संस्थापक संचालक, जीजीआयएम
from Career News in Marathi: Career News, मराठी Career बातम्या | Maharashtra Times https://ift.tt/3qkzcwm
via nmkadda
