.webp)
Advertisement
2021: केंद्रीय माध्यमिक शिक्षण बोर्ड (CBSE)ने शैक्षणिक वर्ष २०२०-२१ ची सेकेंडरी बोर्डाची परीक्षा रद्द केल्यानंतर अंतर्गत मूल्यमापन पद्धतीने सीबीएसई बोर्ड दहावीच्या रिझल्ट २०२१ ची घोषणा केली जाणार आहे. मीडिया रिपोर्टमधील वृत्तानुसार दहावी रिझल्ट २०२१ ची घोषणा २० जुलैपर्यंत केली जाणार आहे. पण बोर्डाकडून अधिकृतरित्या याची घोषणा झाली नाही. आधीच्या वर्षांप्रमाणे यावर्षी देखील दहावी रिझल्टची घोषणा रिझल्ट पोर्टल cbseresults.nic.in वर केली जाऊ शकते. विद्यार्थ्यांना सीबीएसई बोर्ड दहावी रिझल्ट २०२१ अपडेटसाठी रिझल्टची वेबसाइट पाहणे गरजेचे आहे. सीबीएसई दहावी रिझल्ट २०२१ ची घोषणा झाल्यानंतर विद्यार्थांना आपला निकाल आणि गुणपत्रिका पाहण्यासाठी रोल नंबरची गरज असते. हा रोल नंबर परीक्षेआधी देण्यात आलेल्या हॉल तिकिटावर दिलेला असतो. पण यावर्षी करोना पार्श्वभूमीवर बोर्डाने परीक्षाच रद्द केली. त्यामुळे विद्यार्थ्यांना प्रवेश पत्र देण्यात आले नव्हते. अशावेळी रोल नंबर नसताना रिझल्ट कसा पाहायचा? असा प्रश्न विद्यार्थ्यांना पडला आहे. विद्यार्थ्यांना आपला सीबीएसई बोर्ड दहावीचा रिझल्ट २०२१ पाहण्यासाठी अधिकृत वेबसाइटवर जावे लागेल. तसेच आपल्या रोल नंबर संबंधित माहितीसाठी आपल्या शाळेशी संपर्क साधावा लागणार आहे. सीबीएसई बोर्डाने शाळांमधूनच हा रोल नंबर विद्यार्थ्यांना मिळू शकेल. Result 2021: असा तपासा निकाल - CBSE बोर्ड परीक्षेचा निकाल विद्यार्थ्याचा रोल नंबर, नाव आणि जन्मतारखेच्या सहाय्याने ऑनलाइन मिळवता येईल. - उमेदवारांना वर दिलेल्या संकेतस्थळांवर लॉग इन करावे लागेल, निकालाच्या पर्यायावर क्लिक करून विचारलेली माहिती भरावी लागेल. - CBSE इयत्ता बारावी परीक्षेचा निकाल ३०:३०:४० सूत्रावर आधारलेला असेल. विद्यार्थ्यांचे बारावीतले अंतर्गत मूल्यमापन, अकरावीच्या अंतिम परीक्षेतील गुण आणि दहावीच्या बोर्ड परीक्षेतील सर्वोत्तम तीन विषयांचे गुण यावर आधारित निकाल तयार करण्यात येईल. - CBSE इयत्ता दहावी परीक्षेचा निकाल अंतर्गत मूल्यमापन, शालेय स्तरावरील विविध परीक्षांमधील कामगिरी यावर आधारलेला असेल. रिझल्ट तयार करण्यासाठी टॅब्युलेशन पॉलिसी तयार करण्यात आली आणि दिल्ली हायकोर्टमध्ये निकालाच्या पद्धतीबद्दल याचिका दाखल होणे हे दुसरे कारण असू शकते. टॅब्युलेशन पॉलिसीवर अनेक शाळांनी नाराजी दर्शविली आहे. शाळा यापेक्षा सोयीस्कर मॉडरेशन पद्धतीच्या प्रतिक्षेत आहेत. याशिवाय सीबीएसई दहावी रिझल्ट पॉलिसीचा आव्हान देत दिल्ली हायकोर्टात याचिका दाखल करण्यात आली. जर हायकोर्टाने ही याचिका स्वीकारली तर बोर्डाचे निकाल घोषित होण्याच्या तारखेला उशीर होऊ शकतो. कोर्टाच्या प्रक्रियेत वेळ जाऊन सुनावणीस वेळ जाऊन पर्यायाने निकालस उशीर होऊ शकतो अशी शक्यता वर्तविण्यात येत आहे.
from Career News in Marathi: Career News, मराठी Career बातम्या | Maharashtra Times https://ift.tt/3ezG2tb
via nmkadda
