Advertisement
2021: सीबीएसईतर्फे दहावी आणि बारावीचा निकाल टॅब्युलेशन पॉलिसीनुसार तयार करण्यात आला आहे. आता बोर्डातर्फे लवकरच कोणत्याही दिवशी निकालाची तारीख जाहीर केली जाऊ शकते. विद्यार्थ्यांना सीबीएसई बोर्डाची अधिकृत वेबसाइट cbse.nic.in वर जाऊन निकाल पाहू शकतात. डिजिलॉकरच्या माध्यमातून देखील निकाल पाहता येणार आहे. विद्यार्थ्यांसाठी प्रॅक्टीकलच्या परीक्षांवेळी देण्यात आलेल्या रोल नंबरच्या माध्यमातून हे निकाल पाहता येऊ शकतात. तसेच डिजिलॉकरवर विद्यार्थ्यांना आपली गुणपत्रिका पाहता येणार आहे. बारावीच्या विद्यार्थ्यांचा निकाल लावताना दहावी, अकरावी आणि बारावीच्या यूनिट टेस्ट, मिड टर्म आणि प्री बोर्ड परीक्षांचे गुण ग्राह्य धरले गेले आहेत. यानुसार दहावी आणि अकरावीच्या गुणांची वेटेज ३०-३० टक्के आणि बारावीच्या गुणांची वेटेज ही ४० टक्के आहे. याचप्रमाणे दहावीच्या निकालासाठी पाचमधील सर्वोत्तम ३ विषयांचे गुण ग्राह्य धरले गेले आहेत. बोर्डातर्फे शाळांना २२ जुलैपर्यंत विद्यार्थ्यांच्या गुणांचा रेकॉर्ड भरण्यास सांगण्यात आले होते. त्यानंतर ही तारीख वाढवून २५ जुलै करण्यात आली. कोणत्याही शाळेने फॉर्मुलेशननुसार गुण अपलोड केले नसतील तर त्यांना संधी मिळावी यासाठी ही मुदतवाढ देण्यात आली. तसेच बोर्डातर्फे तांत्रिक अडचणी दूर करण्यासाठी हेल्प डेस्कची स्थापना करण्यात आली. शाळांना कोणत्याही प्रकारची अडचण उद्भवल्यास ते हेल्प डेस्कच्या मदतीने गुण अपलोड करण्याची प्रक्रिया पूर्ण करु शकतील यासाठी हेल्प डेस्क सुरु करण्यात आला. डिजिलॉकरमध्ये रिझल्टसीबीएसई रिझल्ट २०२१ हा डिजिलॉकरमध्ये उपलब्ध होणार आहे. डिजिलॉकर अकाऊंटमध्ये लॉगिन करुन विद्यार्थी मार्कशिट, मायग्रेशन सर्टिफिकेट्स आणि स्किल सर्टिफिकेटसारखे महत्वाचे डॉक्युमेंट हाताळू शकतात. विद्यार्थ्यांना कागदपत्र त्यांच्या संबंधित डिजिलॉकर अकाऊंटमध्ये पाठवले जातील. डिजिलॉकर हे डॉक्यूमेंट्सची साठवणूक, शेअरिंग आणि पडताळीसाठी सुरक्षित क्लाऊट आधारित प्लॅटफॉर्म आहे. डिजिलॉकर ही सुविधा केंद्रीय इलेक्ट्रॉनिक्स व आयटी विभागाने उपलब्ध करून दिली आहे. यामध्ये प्रत्येक व्यक्तीला आपली महत्त्वाची कागदपत्रे डिजिटल स्वरूपात साठवता येतात. त्यामुळे कागदपत्रांचा अनावश्यक वापर टळतो. 'नॅशनल ई-गव्हर्नन्स डिव्हिजन'मार्फत ही सेवा पुरविण्यात येते.
from Career News in Marathi: Career News, मराठी Career बातम्या | Maharashtra Times https://ift.tt/3yaIjTf
via nmkadda