.webp)
Advertisement
इंडियन सर्टिफिकेट ऑफ सेकंडरी एज्युकेशन म्हणजेच आयसीएसई बोर्डाच्या दहावी आणि बारावीचा निकाल आज (२४ जुलै) जाहीर होणार आहे. हा निकाल दुपारी तीनला ऑनलाइन पद्धतीने पाहता येणार असल्याची माहिती ‘आयसीएसई’तर्फे देण्यात आली. एसएसई बोर्ड आणि सीबीएसईप्रमाणे आयसीएसई बोर्डाच्या परीक्षाही यंदा करोनामुळे रद्द करण्यात आल्या होत्या. त्यामुळे विशिष्ट सूत्र आणि वर्षभरातील विद्यार्थ्यांचे अंतर्गत मूल्यमापन या आधारे गुण दिले जाणार आहेत. कुठे पाहाल निकाल? हा निकाल बोर्डाच्या www.cisce.org किंवा www.results.cisce.org या वेबसाइटवर पाहता येईल. मेसेजच्या माध्यमातूनही निकालाची माहिती मिळेल. दहावीसाठी मेसेजमध्ये असे लिहून त्यापुढे आपला सात अंकी युनिक आयडी टाइप करायचा आहे, तर बारावीसाठी मेसेजमध्ये ISC असे लिहून त्यापुढे सात अंकी युनिक आयडी टाइप करून ०९२४८०८२८८३ या क्रमांकावर पाठवल्यास निकालाची माहिती मिळेल. स्टेप बाय स्टेप कसा पाहाल निकाल - - काउन्सिलच्या www.cisce.org किंवा www.results.cisce.org या संकेतस्थळावर जा. - होमपेजवर 'Results 2021' या लिंकवर क्लिक करा. - आता दहावी किंवा बारावी यापैकी पर्याय निवडा - आता विद्यार्थ्यांनी त्यांचा युनिक आयडी, इंडेक्स नंबर आणि कॅपचा आदी माहिती भरून लॉगइन करावे. मंडळाचे सचिव गेरी अॅरॅथून यांनी शुक्रवारी निकालाबाबत माहिती दिली. निकालाची सविस्तर माहिती करिअरर्स वेबसाइटवर शाळांना उपलब्ध करून देण्यात येणार आहे. तसेच प्रत्येक शाळेच्या मुख्याध्यापकांच्या आयडी आणि पासवर्डने तो पाहता येईल. करोनामुळे 'आयसीएसई' बोर्डाच्या परीक्षा रद्द करण्यात आल्या होत्या. त्यानंतर सर्वंकष मूल्यमापन धोरणावरून हा निकाल तयार करण्यात आला आहे. विद्यार्थ्यांना यावर्षी फेरतपासणीचा पर्याय नसेल. विद्यार्थ्यांना त्यांच्या गुणांबाबत आक्षेप असेल, तर त्यांनी तसा अर्ज शाळांना द्यायचा आहे. तर शाळांना या अर्जांचा विचार करून फेरआढावा घ्यावा लागेल.
from Career News in Marathi: Career News, मराठी Career बातम्या | Maharashtra Times https://ift.tt/3eSI6g1
via nmkadda
