दहावी उत्तीर्णांसाठी नौदलात भरती; ६९ हजार रुपयांपर्यंत वेतन Rojgar News

दहावी उत्तीर्णांसाठी नौदलात भरती; ६९ हजार रुपयांपर्यंत वेतन Rojgar News

Indian Navy MR : भारतीय नौदलातर्फे (Indian Navy)ऑक्टोबर २०२१ बॅचमध्ये संगीतकार नाविक पदाच्या (Indian Navy Musician Sailors Recruitment 2021) भरतीसाठी नोटिफिकेशन जाहीर करण्यात आले आहे. इच्छुक आणि पात्र उमेदवार २ ऑगस्ट २०२१ पासून यासाठी अर्ज करता येणार आहे. या भरती अभियानाच्या माध्यमातून भारतीय नौदलात एकूण ३३ रिक्त जागा भरल्या जाणार आहेत. दहावी पास असलेल्या तरुणांसाठी सरकारी नोकरी (10th pass govt jobs) मिळवण्याची ही सुवर्णसंधी आहे. उमेदवार भारतीय नौदल एमआर संगीतकार भरती २०२१ साठी अधिकृत वेबसाइट joinindiannavy.gov.in वर जाऊन अर्ज करु शकतात. ६ ऑगस्ट ही अर्ज करण्याची शेवटची तारीख आहे. इथे तुम्हाला अर्जासंदर्भातील सर्व माहिती वाचायला मिळेल. तसेच पदांच्या तपशिलासाठी नोटिफिकेशनची थेट लिंक बातमीखाली देण्यात आली आहे. कोण करु शकते अर्ज?(Eligibility Criteria) शैक्षणिक पात्रता: कोणत्याही मान्यताप्राप्त विद्यापीठातून दहावी परीक्षा पास असणे गरजेचे आहे. याव्यतिरिक्त उमेदवाराला संगीत विषयाचे चांगले ज्ञान असणे आणि सोबतच वाद्य वाजवता यायला हवे. याची सर्व माहिती खाली दिलेल्या नोटिफिकेशनमध्ये देण्यात आली आहे. वयोमर्यादा उमेदवाराचा जन्म हा १ ऑक्टोबर १९९६ ते ३० सप्टेंबर २००४ च्या दरम्यानचा असणे गरजेचे आहे. वेतन ट्रेनिंग दरम्यान उमेदवाराला १४ हजार ६०० रुपये स्टायपेंड दिला जाईल. ट्रेनिंग पूर्ण झाल्यानंतर त्यांना डिफेन्स पे मॅट्रीक्स लेवल-३ अंतर्गत २१ हजार ७०० रुपयांपासून ६९ हजार १०० रुपयांपर्यंत पगार मिळेल. याशिवाय त्यांना एमएसपीच्या माध्यमातून ५ हजार २०० प्रति महिना प्लस डीए दिला जाईल. संगीत शिक्षण उमेदवार हा टेम्पो, पिच आणि पूर्ण गाण्यासोबत संगीतासाठी ऑरल एप्टीट्यूडमध्ये उत्तम असावा. भारतीय किंवा विदेशी मूळ असेले कोणतेही वाद्य त्याला वाजवता यायला हवे. वाद्याची ट्यूनिंग करण्यासोबतच, अनोळकी नोट्सना वाद्यासोबत मिळवणे, भारतीय शास्त्रीय, स्टाफ नोटेशनची दृष्टी वाचणे, स्केल, राग, ताल आणि बेसिक भारतीय किंवा आंतरराष्ट्रीय संगीताचा सिद्धांत माहिती असणे गरजेचे आहे. फिजिकल फिटनेस टेस्ट (Indian Navy PFT) भारतीय नौदलात(Indian Navy jobs 2021) एमआर संगीतकार नाविकसाठी फिजिकल फिटनेस टेस्ट (PFT) देखील घेतली जाणार आहे. पीएफटीममध्ये ७ मिनिटात १.६ किलोमीटर धावावे लागणार आहे. यासोबतच १० पुशअपचा समावेश असेल. साधारण ३०० उमेदवारांना म्यूझिक टेस्ट आणि पीएफटीसाठी शॉर्टलिस्ट करण्यात येईल. अधिक माहितीसाठी उमेदवाराने नोटिफिकेशन काळजीपूर्वक वाचणे गरजेचे आहे.


from Career News in Marathi: Career News, मराठी Career बातम्या | Maharashtra Times https://ift.tt/3zGKb6M
via nmkadda

0 Response to "दहावी उत्तीर्णांसाठी नौदलात भरती; ६९ हजार रुपयांपर्यंत वेतन Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel