.webp)
Advertisement
मुंबई विद्यापीठाच्या इन्स्टिट्यूट ऑफ डिस्टन्स अँड ओपन लर्निंग (IDOL)च्या परीक्षा पावसामुळे लांबणीवर टाकण्यात आल्या आहेत. सेमिस्टर १ आणि सेमिस्टर २ च्या परीक्षा ३० जुलै २०२१ पासून सुरू होणार होत्या. मात्र त्या आता १८ ऑगस्ट २०२१ पासून सुरू होतील. कोणकोणत्या परीक्षा लांबणीवर? -एफवाय बीए, एफवाय बीकॉम, एम.ए., एम.कॉम. सेमिस्टर १ - जानेवारी-डिसेंबर २०२१ - एफवाय बीए, एफवाय बीकॉम, एफ.वाय. बीएससी. आयटी. एमएससी मॅथ्स, एसएससी आयटी आणि एफ.वाय.एमसीए. - जुलै २०२० सेमिस्टर २ - बी.एससी. आयटी (सेमिस्टर ४,६), एमसीए (सेमिस्टर ४, ६) आणि पीजीडीएफएम आणि पीजीडीओआरएम (सेमिस्टर २) या लांबणीवर पडलेल्या परीक्षांचे सविस्तर वेळापत्रक लवकरच विद्यापीठाच्या संकेतस्थळावर उपलब्ध करण्यात येईल, अशी माहिती विद्यापीठाने जारी केलेल्या परिपत्रकात देण्यात आली आहे. मुंबई आणि कोकणासह संपूर्ण महाराष्ट्रात आठवडाभर जोरदार पाऊस सुरू आहे. कोकणात रायगड, रत्नागिरी जिल्ह्यांना पावसाचा फटका बसला आहे. अनेक ठिकाणी दरडी कोसळण्याच्या घटना घडल्या आहेत. या सर्व पार्श्वभूमीवर विद्यापीठाच्या दूर व मुक्त अध्ययन संस्थेच्या परीक्षा स्थगित करण्यात आल्या आहेत.
from Career News in Marathi: Career News, मराठी Career बातम्या | Maharashtra Times https://ift.tt/3eO7fIw
via nmkadda
