.webp)
Advertisement
Konkan Railway : कोकण रेल्वेच्या माध्यमातून विविध पदांची भरती केली जाणार आहे. यासाठी इच्छुक आणि पात्र उमेदवारांना थेट मुलाखतीसाठी बोलावण्यात येत आहे. याची भरती प्रक्रियेसाठी मुलाखत प्रक्रिया सुरु झाली असून २९ जुलै ही शेवटची तारीख आहे. कॉर्पोरेशन लिमिटेड (केआरसीएल) ने रस्ता, सुरंग आणि नवी रेल्वे लाइन निर्माण संबंधित कामांसाठी ही भरती असणार आहे. या योजनांअंतर्गत सिव्हिल इंजिनीअरिंग विभागामध्ये प्रोजेक्ट इंजिनीअर, एसटी आणि जेटीएच्या पदांवर भरतीसाठी नोटिफिकेशन जाहीर करण्यात आले आहे. इच्छुक आणि पात्र उमेदवार २७ ते २९ जुलै दरम्यान होणाऱ्या थेट मुलाखतीमध्ये सहभागी होऊ शकतात. कोकण रेल्वेतर्फे जाहीर करण्यात आलेल्या नोटिफिकेशनमध्ये महत्वाच्या तारखा, पदांचा तपशिल, पात्रता निकष यासंदर्भात सविस्तर माहिती देण्यात आली आहे. त्याप्रमाणे या पदांसाठी थेट मुलाखत- २७ ते २९ जुलै २०२१ या वेळेत होणार आहे. कोकण रेल्वे भरती पदांच्या तपशिलानुसार प्रोजेक्ट इंजिनीअरचे १ पद , एसटीएची ५ पदं, जेटीएचे १ पद भरण्यात येणार आहे. कोकण रेल्वे भरती २०२१ साठी जाहीर करण्यात आलेल्या पात्रता निकषांनुसार प्रोजेक्ट इंजिनीअर पदासाठी कोणत्याही मान्यताप्राप्त संस्थेतून बॅचलर ऑफ इंजिनीअरिंग (सिविल) किंवा या समकक्ष पदवी असणे गरजेचे आहे. एसटीए पदासाठी पदासाठी कोणत्याही मान्यताप्राप्त संस्थेतून बॅचलर ऑफ इंजिनीअरिंग किंवा त्या समकक्ष पदवी असणे गरजेचे आहे. तसेच जेटीएसाठी मान्यता प्राप्त (एसआयसीटीई) विद्यापीठातून सिविल इंजिनीअरिंगमध्ये डिप्लोमा किंवा डिग्री असणे गरजेचे आहे. कोकण रेल्वे भरतीसाठी प्रोजेक्ट इंजिनीअरिंग (केरळ) साठी ४५ वर्षे, सिनिअर टेक्निकल असिस्टंट (केरळ) या पदासाठी ३५ वर्षे, सिनीअर टेक्नीकल असिस्टंट (नेपाळ) साठी ३५ वर्षे, ज्युनिअर टेक्निकल असिस्टंट (नेपाळ) ३० वर्षे, सिनिअर टेक्निकल असिस्टंट (इतर प्रोजेक्ट) ३५ वर्षे वयोमर्यादा देण्यात आली आहे. कोकण रेल्वे भरती २०२१ साठी उमेदवारांची निवड ही मुलाखतीद्वारे केली जाणार आहे. या भरतीसाठी इच्छुक उमेदवारांनी आवश्यक कागदपत्रांसह २७ जुलै ते २९ जुलैपर्यंत केआर विहार, कोकण रेल्वे एक्झिक्युटिव्ह क्लब, सेक्टर ४०, सीवूड-वेस्ट, नवी मुंबई, महाराष्ट्र-४०००७६ या पत्त्यावर होणाऱ्या मुलाखतीत सहभागी व्हावे.
from Career News in Marathi: Career News, मराठी Career बातम्या | Maharashtra Times https://ift.tt/2UTzpLx
via nmkadda
