Advertisement
ESE 2021: देशभरातील करोना स्थिती पाहता केंद्रीय लोकसेवा आयोग (UPSC)इंजिनिअरिंग सेवा परीक्षा २०२१ स्थगित करावी ही याचिका सर्वोच्च न्यायालयाने (Supreme Court)फेटाळली आहे. करोना प्रादुर्भावाच्या पार्श्वभुमीवर ही याचिका दाखल करण्यात आली होती. सध्याच्या परिस्थितीत उमेदवारांना परीक्षा देणं हे आरोग्याच्यादृष्टीने चांगले नसेल असा विचार याचिकाकर्त्याचा होता. विशेष वेळेत होणाऱ्या परीक्षेसाठी अशी मागणी करण्याचा अधिकार नाही. तसेच याप्रकरणी पुढे विचार केला जाणार नाही. कारण परीक्षेदरम्यान परिस्थिती लक्षात घेण्याचे काम अधिकाऱ्यांचे आहे असे न्या. इंदिरा बनर्जी आणि न्या वी. यूपीएससी यांनी म्हटले. किती राज्यांमध्ये सध्या लॉकडाऊन आहे आणि अजूनही करोनाचे निर्बंध हटविण्यात आले नाहीत. यामुळे कानाकोपऱ्यात राहणाऱ्या उमेदवारांना परीक्षा केंद्रापर्यंत पोहोचणे कठीण होऊ शकते असे याचिकाकर्त्याने म्हटले. देशातील करोना परिस्थिती पाहता आधीच महिला उमेदवारांना प्रवास करणे आणि राहण्यासाठी हॉटेलची व्यवस्था किंवा खोली बुक करण्यात समस्या येत आहेत असेही याचिकाकर्त्याने म्हटले. पूर्व परीक्षा कधी ? केंद्रीय लोकसेवा आयोग (UPSC)ने भारतीय इंजिनीअरिंग सर्विस पूर्व परीक्षेचे (UPSC IES Prelims 2021) शेड्यूल घोषित केले आहे. भारतीय इंजिनीअरिंग सेवा पूर्व परीक्षेसाठी उपस्थित होणारे उमेदवार UPSC च्या अधिकृत संकेतस्थळावर जाऊन परीक्षेचे संपूर्ण वेळापत्रक तपासू शकतात आणि येथूनच ते डाऊनलोडही करता येईल. अधिकृत वेबसाइट upsc.gov.in ही आहे. यूपीएससी द्वारे भारतीय इंजिनीअरिंग सर्विसेस् ची पूर्व परीक्षा १८ जुलै २०२१ रोजी आयोजित केली जाणार आहे. UPSC IES Prelims 2021 परीक्षेत बसण्यासाठी सुमारे २ ते ३ लाख उमेदवारांनी नोंदणी केली आहे. देशभरात १५ परीक्षा केंद्रांवर आयोगाद्वारे ही परीक्षा आयोजित केली जाणार आहे. यूपीएससी एक्झाम 2021 नोटिफिकेशनची थेट लिंक या वृत्तात पुढे देण्यात आली आहे.
from Career News in Marathi: Career News, मराठी Career बातम्या | Maharashtra Times https://ift.tt/3hs2Njp
via nmkadda
