.webp)
Advertisement
2021: पत्रकारिता क्षेत्रात काम करणाऱ्या पत्रकारांसाठी माहिती आणि प्रसारण मंत्रालयामध्ये सरकारी नोकरीची संधी आहे. केंद्रीय लोकसेवा आयोग (यूपीएससी) ने भारतीय माहिती सेवा (आयआयएस) च्या वरिष्ठ ग्रेड पदांच्या ३४ रिक्त जागांसाठी जाहिरात काढली आहे. यानुसार आयआयएस सिनीअर ग्रेड भरतीसोबतच कृषी आणि शेतकरी कल्याण मंत्रालयामध्ये सहायक संचालकाच्या एकूण ४ जागा भरण्यात येणार आहेत. यासोबतच गृह मंत्रालयाच्या राजभाषा विभागामध्ये संशोधन अधिकाऱ्याच्या ८ जागा भरण्यात येणार आहेत. यासाठी इच्छुक आणि पात्र उमेदवार यूपीएससीची अधिकृत वेबसाइट upsc.gov.in वर जाऊन जाहिरात पाहू शकता. बातमीखाली देण्यात आलेल्या लिंकवरुन देखील यावर थेट जाऊ शकता. अर्ज करण्यासाठी भरतीचे नोटिफिकेशन काळजीपूर्वक वाचणे गरजेचे आहे. यानंतरच यूपीएससी अर्ज पोर्टल upsconline.nic.in ला भेट द्या. होमपेजवर दिल्या गेलेल्या विविध पदांसाठी ऑनलाइन भरती या लिंकवर क्लिक करा. जाहिरात सेक्शनमध्ये संबंधित लिंकवर क्लिक केल्यास तुम्ही अर्जाच्या लिंकवर जाऊ शकाल. ऑनलाइन अर्ज करण्यासाठी २५ रुपये शुल्क भरावे लागेल. हे पेमेंट ऑनलाइन माध्यमातून करावे लागेल. १२ ऑगस्ट ही अर्ज करण्याची शेवटची तारीख आहे. भारतीय माहिती सेवा सिनीअर ग्रेड (माहिती आणि प्रसारण मंत्र्यालय) - अर्जदाराकडे कोणतेही मान्यताप्राप्त विद्यापीठ किंवा संस्थेतून पत्रकारितेत डिप्लोमा किंवा पीजी डिप्लोमा असणे गरजेचे आहे. यासोबतच पत्रकारिता जनसंपर्क कामाचा २ वर्षांचा अनुभव असणे गरजेचे आहे. आयोगाने यासाठी ३० वर्षाची वयोमर्यादा ठेवली आहे. अर्जाच्या शेवटच्या तारखेपर्यंत हे वय मोजले जाईल. सहायक संचालक (कृषी आणि शेतकरी कल्याण संस्था)- कोणत्याही मान्यताप्राप्त विद्यापीठ, संस्थेतून रसायन विज्ञान संबंधित विषयात डिग्री आणि संबंधित कार्याचा ३ वर्षांचा अनुभव असणे गरजेचे आहे. रिसर्च ऑफिसर राजभाषा विभाग (गृह मंत्रालय)- कोणत्याही मान्यताप्राप्त विद्यापीठ, संस्थेतून हिंदीमध्ये मास्टर डिग्रीसोबतच इंग्रजीमध्ये डिग्री असणे गरजेचे आहे.
from Career News in Marathi: Career News, मराठी Career बातम्या | Maharashtra Times https://ift.tt/3iN0rvZ
via nmkadda
