.webp)
Advertisement
MAHA TET 2021: महाराष्ट्र राज्य शिक्षण परिषदेतर्फे १० ऑक्टोबर २०२१ रोजी महाराष्ट्र शिक्षक पात्रता परीक्षा २ चे आयोजन करण्यात आले आहे. यासाठी अधिकृत वेबसाइटवर .in वर नोंदणी सुरू आहे. २५ ऑगस्ट २०२१ पर्यंत उमेदवार MAHATET 2021 साठी अर्ज करू शकतात. अधिकृत नोटिफिकेशननुसार MAHATET 2021 प्रवेशपत्र २५ सप्टेंबर २०२१ रोजी जाहीर होण्याची शक्यता आहे. शिक्षक पात्रता परीक्षेला दोन महिन्यांपेक्षा कमी कालावधी शिल्लक आहे. MAHATET 2021 परीक्षा क्रॅक करण्यासाठी उमेदवारांकडे स्पष्ट धोरण आणि अभ्यासाचे नियोजन असणे गरजेचे आहे. इतर स्पर्धा परीक्षांप्रमाणे ही राज्य पात्रता परीक्षा देखील खूप कठीण आहे. मेहनतीशिवाय या परीक्षेला सामोरे जाऊ शकत नाही. परीक्षेत चांगले गुण मिळवण्यासाठी टिप्स, आयडीया, अभ्यास कसा करायचा? याची माहिती घेऊया. अभ्यासक्रम आणि पेपर पॅटर्न जाणून घ्या उमेदवारांना MAHATET 2021 अभ्यासक्रम आणि पेपर पॅटर्न बद्दल माहिती असणे आवश्यक आहे. पेपरमध्ये १५० बहुपर्यायी प्रश्न (MCQ) असतात. उमेदवारांना संपूर्ण पेपर सोडवण्यासाठी ९० मिनिटे दिली जातात. प्रत्येक योग्य उत्तरासाठी, उमेदवारांना १ गुण दिला जातो. चुकीच्या उत्तरासाठी निगेटिव्ह मार्किंग नसते. पात्रता परीक्षेमध्ये दोन पेपर असतात . पेपर I हा पहिली ते पाचवी इयत्तेसाठी आणि पेपर II हा इयत्ता सहावी ते आठवीसाठी . पेपर I मध्ये इंग्रजी, मराठी, गणित, कॅम्पस स्टडी, पर्यावरण अभ्यास आणि बाल मानसशास्त्र आणि अध्यापनशास्त्र यांचा समावेश आहे. त्याचप्रमाणे, पेपर- II मध्ये इंग्रजी, मराठी, बाल मानसशास्त्र आणि अध्यापनशास्त्र, गणित आणि सामाजिक विज्ञान विषय असतात. स्टडी मटेरियल तयार करा अभ्यासक्रम समजून घेतल्यानंतर योग्य स्टडी मटेरियलचा संदर्भ घ्या. योग्य संदर्भ पुस्तकांमधून अभ्यास केल्याने उमेदवारांच्या ज्ञान सुधारण्यास मदत होऊ शकते. शिवाय, अशा पुस्तकांमध्ये पात्रता परीक्षेत विचारलेल्या प्रश्नांसारखे प्रश्न असतात. MAHATET 2021 परीक्षेत बरेच वेगवेगळे विषय समाविष्ट आहेत आणि म्हणूनच, योग्य स्टडी मटेरियल असणे महत्वाचे आहे. उमेदवार काही पुस्तके रेफर करू शकतात. यामध्ये छाया महाराष्ट्र प्राथमिक टीईटी चॅलेंजर इंग्रजी, ईटी पेपर १ आणि २-पूर्ण मार्गदर्शक मराठी एमएच-टीईटी, फास्टट्रॅक गणित (एमपीएससी, टीईटी-सीईटी), उच्च प्राथमिक टीईटी सोशल स्टडीज/ सोशल सायन्स, ३२०० एमसीक्यू , TET पर्यावरण अभ्यास इ. या पुस्तकांचा समावेश होते. ही पुस्तके केवळ संदर्भासाठी आहेत आणि इतर संबंधित पुस्तके देखील अभ्यासू शकता. भाषेवर प्रभूत्व योग्य स्टडी मटेरियल निवडण्यासोबतच उमेदवारांना भाषेवर चांगले प्रभुत्व असणे गरजेचे आहे. महाटीईटी २०२१ ची परीक्षा क्रॅक करण्यासोबतच विद्यार्थ्यांशी संवाद साधण्यास देखील यामुळे मदत करते. उमेदवारांनी दररोज किंवा एक दिवस सोडून इंग्रजी आणि मराठी वृत्तपत्रे वाचली पाहिजेत. टाइम्स ऑफ इंडिया, हिंदुस्तान टाइम्स, महाराष्ट्र टाइम्स सारखी वर्तमानपत्रे भाषा कौशल्य सुधारण्यासाठी उपयुक्त ठरू शकतात. मॉक टेस्ट सोडवा MAHATET 2021 परीक्षेचा अभ्यासक्रम खूप जास्त आहे. शिकण्यासारखे, समजून घेण्यासारखे आणि लक्षात ठेवण्यासारखे बरेच काही आहे.व्याकरणाच्या नियमांपासून गणिताच्या सूत्रांपर्यंत, भाषेत लक्षात ठेवणे खूप महत्वाचे आहे. अशा परिस्थितीत, इतका प्रचंड अभ्यासक्रम लक्षात ठेवण्यासाठी, मॉक टेस्ट खूप उपयुक्त आहेत. मॉक टेस्ट तणावपूर्ण वातावरणात विविध संकल्पना लक्षात ठेवण्यात आणि लागू करण्यात मदत करतात. मॉक टेस्टमुळे टाइम मॅनेजमेंट विकसित होण्यास देखील मदत होते. म्हणून मॉक टेस्ट सोडवा. यामुळे परीक्षेत कोणत्या प्रकारचे प्रश्न विचारले जाऊ शकतात आणि त्या प्रश्नांची उत्तरे देण्यासाठी तुम्ही किती तयार आहात याचीही कल्पना येते. मागच्या वर्षातील प्रश्नपत्रिका सोडवा मॉक टेस्टसह, MAHATET मागील वर्षाच्या प्रश्नपत्रिका देखील पात्रता परीक्षेत क्रॅक करण्यासाठी उपयुक्त ठरतात. उमेदवारांना विविध ऑनलाइन पोर्टलवरून मागील वर्षाच्या उत्तर पत्रिका मिळू शकतात. गणिताच्या सूत्रांची यादी बनवा गणिताशी संबंधित सर्व महत्वाची सूत्रांची यादी केली पाहिजे. बहुपर्यायी प्रश्न सोडवताना ही यादी उपयुक्त ठरू शकते. उमेदवाराला परीक्षेला बसण्यापूर्वी अनेक वेळा या यादीत सुधारणा करणे आवश्यक आहे. अशा प्रकारे उमेदवार प्रत्यक्ष परीक्षेच्या सर्व सूत्रांची सहजपणे उजळणी करू शकतात. वैयक्तिक नोट्स बनवा सोशल स्टडीज आणि पर्यावरण अभ्यास यासारख्या विषयांमधील महत्त्वाचे मुद्दे अधोरेखित करा किंवा लक्षात ठेवा. हे दोन्ही विषय मुख्यतः सैद्धांतिक आणि तथ्यात्मक आहेत. चांगल्या प्रकारे शिकण्यासाठी, शेवटच्या मिनिटाला रिव्हिजन करण्यासाठी वैयक्तिक नोट्स बनवा.
from Career News in Marathi: Career News, मराठी Career बातम्या | Maharashtra Times https://ift.tt/3geR0Ff
via nmkadda
