NEET 2021: नीट यूजी परीक्षेसाठी अर्ज करण्याची शेवटची तारीख जाणून घ्या Rojgar News

NEET 2021: नीट यूजी परीक्षेसाठी अर्ज करण्याची शेवटची तारीख जाणून घ्या Rojgar News

Registration: नीट यूजी २०२१ नोंदणीची वाट पाहणाऱ्या उमेदवारांसाठी महत्वाची बातमी आहे. पदवी अंतर्गत वैद्यकीय आणि डेंटल कोर्ससाठी घेतली जाणारी प्रवेश परीक्षा, राष्ट्रीय पात्रतेसह प्रवेश परीक्षा (यूजी) २०२१ म्हणजेच नीट यूजी २०२१ साठी १० ऑगस्ट २०२१ ही शेवटची तारीख आहे. परीक्षेचे आयोजन करणाऱ्या राष्ट्रीय परीक्षा एजन्सी (एनटीए) च्या वेळापत्रकानुसार नीट यूजी २०२१ साठी १० ऑगस्ट रात्री ९.५० वाजेपर्यंत अर्ज करता येऊ शकतो. अर्जासोबत उमेदवारांना शुल्क भरावे लागेल. उमेदवारांना हे शुल्क उद्या रात्री ११.५० वाजेपर्यंत भरता येणार आहे. नीट २०२१ अर्ज भरुन सबमीट केल्यानंतर उमेदवार ११ ते १४ ऑगस्ट दुपारी २ वाजेपर्यंत यामध्ये बदल करु शकतात. कुठे आणि कशी कराल नोंदणी? उमेदवारांना नीट (यूजी) अर्ज करण्यासाठी एनटीए परीक्षा पोर्टल ntaneet.nic.in वर जावे लागेल. यानंतर होमपेजवर दिल्या गेल्या रजिस्ट्रेशन फॉर्मच्या लिंकवर क्लिक करावे लागेल. यानंतर एनटीएने दिलेल्या अर्ज क्रमांक आणि पासवर्डच्या मदतीने लॉगिन करावे लागेल. त्यानंतर उमेदवार आपला नीट अर्ज २०२१ सबमिट करु शकतात. अर्ज करताना उमेदवारांना एजन्सीतर्फे मागण्यात आलेले कागदपत्र स्कॅन करुन सॉफ्ट कॉपी अपलोड करावी लागेल. एनटीएने नीट २०२१ चे आयोजन १२ सप्टेंबरला पेन आणि पेपरच्या माध्यमातून केले आहे. नीट यूजी परीक्षेचे आयोजन एमबीबीएस, बीडीएस, बीएएमएएस, बीयूएमएस आणि बीएचएमएस अभ्यासक्रमांच्या प्रवेशासाठी केला जातो. वर्ष २०२० पासून एम्स आणि जिपमरचे प्रवेश देखील नीटच्या माध्यमातून होत आहेत. या अभ्यासक्रमांसोबत बीएससी (ऑनर्स) नर्सिंग कोर्सचा देखील यावर्षी प्रवेशासाठी अर्ज करण्यास इच्छुक उमेदवारांना नीट यूजीसाठी अर्ज करावा लागणार आहे.


from Career News in Marathi: Career News, मराठी Career बातम्या | Maharashtra Times https://ift.tt/3lLwzmM
via nmkadda

0 Response to "NEET 2021: नीट यूजी परीक्षेसाठी अर्ज करण्याची शेवटची तारीख जाणून घ्या Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel