.webp)
Advertisement
Exam City: नॅशनल टेस्टिंग एजन्सी (NTA) ने NEET परीक्षा २०२१ साठी परीक्षा केंद्रांच्या शहरांची यादी जाहीर केली आहे. नोंदणीकृत उमेदवारांना त्यांचा अर्ज क्रमांक, जन्मतारीख आणि सिक्योरिटी पिन वापरुन परीक्षा केंद्राचे शहर पाहता येणार आहे. यासाठी उमेदवारांना अधिकृत वेबसाइट neet.nta.nic.in वर लॉगिन करावे लागेल. उमेदवारांनी नीट २०२१ अर्जामध्ये दिलेल्या प्राधान्यक्रमानुसार परीक्षा केंद्राचे शहर देण्यात आले आहेत. नीट यूजी परीक्षा देणारे नोंदणीकृत उमेदवार neet.nta.nic.in वर जाऊन परीक्षा केंद्राचे शहर तपासू शकतील. वैद्यकीय प्रवेश परीक्षा घेतली जाणाऱ्या सर्व शहरांचा NEET 2021 परीक्षा शहरांच्या यादीमध्ये समावेश आहे. उमेदवार त्यांचा अर्ज क्रमांक आणि पासवर्ड वापरून त्यांना निर्धारित करण्यात आलेल्या NEET UG 2021 परीक्षेचे शहर तपासू शकतील. परीक्षेचे शहर कसे तपासायचे? परीक्षेच्या शहराची माहिती मिळवण्यासाठी उमेदवारांनी प्रथम अधिकृत वेबसाइट neet.nta.nic.in ला भेट द्या. होमपेजवर उपलब्ध NEET 2021 Exam City लिंकवर क्लिक करा. आता एक नवीन पेज खुले होईल. येथे उमेदवाराने आपला अर्ज क्रमांक, पासवर्डने लॉगिन करावे. उमेदवार देण्यात आलेल्या परीक्षा केंद्राचे शहर तपासू शकतात. अर्ज भरताना उमेदवारांनी दिलेल्या प्राधान्यांच्या आधारे NTA कडून परीक्षेचे शहर वाटप केले जाते. NEET UG परीक्षा १२ सप्टेंबर २०२१ रोजी घेण्यात येणार आहे. देशभरातील २०३ शहरांमध्ये ही परीक्षा घेतली जाणार आहे. यासाठी ९ सप्टेंबर २०२१ रोजी NTA कडून प्रवेशपत्र देण्यात येणार आहे. या परीक्षेत उपस्थित राहणाऱ्या उमेदवारांनी प्रवेशपत्र जाहीर झाल्यानंतर अधिकृत वेबसाइट neet.nta.nic.in वर जाऊन प्रवेशपत्र डाउनलोड करावे. NEET परीक्षा २०२१ साठी ऑनलाईन अर्ज करण्याची प्रक्रिया १३ जुलैपासून सुरू झाली. याआधी ६ ऑगस्ट २०२१ ही अर्ज करण्याची शेवटची तारीख होती. ही तारीख वाढवून १० ऑगस्ट २०२१ करण्यात आली. त्याचबरोबर उमेदवारांना परीक्षा शुल्क जमा करण्याची आणखी एक संधी देत १३ ऑगस्ट ते १५ ऑगस्ट पर्यंत वेळ देण्यात आला होता.
from Career News in Marathi: Career News, मराठी Career बातम्या | Maharashtra Times https://ift.tt/2W9sBcY
via nmkadda
