.webp)
Advertisement
NEP 2020: दिल्ली विद्यापीठात पुढील शैक्षणिक वर्षापासून राष्ट्रीय शैक्षणिक धोरण लागू करण्याचा निर्णय घेण्यात आला. यानंतर निर्णयावर नाराज असलेल्या विद्यापीठ शिक्षक संघाने संप पुकारला. शैक्षणिक धोरणावरील स्थायी समितीने बैठकीमध्ये चार वर्षांचा पदवी कार्यक्रम आणि २०२२-२३ पर्यंत विद्यार्थ्यांसाठी प्रवेश आणि निर्गमन पर्यायांच्या अंमलबजावणीला मंजुरी दिली. तसेच समितीने मोठ्या प्रमाणावर ओपन ऑनलाईन अभ्यासक्रमांच्या (MOOC) अंमलबजावणीवरील चर्चा पुढे ढकलली. स्थायी समितीच्या शिफारशींवर शैक्षणिक परिषदेच्या होणाऱ्या बैठकीत चर्चा केली जाणार आहे. NEP च्या अंमलबजावणीवर देखरेख ठेवण्यासाठी विद्यापीठाने ४२ सदस्यीय उच्चस्तरीय समितीची स्थापना केली होती. ४२ सदस्यीय समितीने विद्यापीठाचा तीन वर्षांचा पदवीपूर्व कार्यक्रम सुरु ठेवण्याची शिफारस केली होती. पण चार वर्षांचा पदवी कार्यक्रम त्याच संरचनेत विलीन करण्यासाठी आणि एक वर्ष आणि दोन वर्षांचे पदव्युत्तर कार्यक्रम सुरू करण्यासाठी बैठकीत मान्यता देण्यात आली. स्थायी समितीने तीन वर्षांच्या ऑनर्स डिग्री अभ्यासक्रम चार वर्षाच्या ऑनर्स डिग्री आणि चार वर्षाचा ऑनर्स डिग्री अभ्यासक्रमास शोध अभ्यासक्रमासोबत जोडण्याचा निर्णय स्वीकारला. विद्यापीठाने दिलेल्या डिग्रीच्या गुणवत्तेशी तडजोड केली जाऊ नये म्हणून विविध अभ्यासक्रमांना जोडण्यासह सध्याची रचना आणि कार्यभार सुरु रहायला हवा असे समितीने म्हटले. NEP लागू करणारे कर्नाटक पहिले राज्य नवीन राष्ट्रीय शिक्षण धोरण (NEP), 2020 लागू करणारे कर्नाटक सोमवारी देशातील पहिले राज्य बनले. मुख्यमंत्री बसवराज बोम्मई म्हणाले की, सरकार हे नवीन शिक्षण धोरण लागू करण्यात मदत करण्यासाठी डिजिटलायझेशन आणि संशोधन आणि विकास ही दोन धोरणे आणणार आहे. कर्नाटकात NEP लाँच करताना मुख्यमंत्री म्हणाले, “NEP, 2020 लागू करणारे कर्नाटक हे देशातील पहिले राज्य बनले आहे. जर आम्हाला ते यशस्वी करायचे असेल तर आम्हाला ते राज्यातील प्रत्येक मुलाकडे नेले पाहिजे. " केंद्रीय शिक्षण मंत्री धर्मेंद्र प्रधान यांनी ऑनलाईन माध्यमातून या कार्यक्रमात भाग घेतला आणि इतर राज्यांसाठी आदर्श निर्माण केल्याबद्दल कर्नाटकचे कौतुक केले. डिजिटायझेशनची गरज अधोरेखित करताना मुख्यमंत्री म्हणाले, 'शिक्षणासाठी डिजिटायझेशन महत्वाचे आहे, ज्यासाठी आम्ही एक नवीन डिजीटायझेशन धोरण आणू, जे प्रत्येक गाव, शाळा, विद्यापीठात पोहोचेल आणि पदवी स्तरावरील विद्यार्थ्यांना या अंतर्गत आयपॅड दिले जाईल.'
from Career News in Marathi: Career News, मराठी Career बातम्या | Maharashtra Times https://ift.tt/3DeKus0
via nmkadda
