.webp)
Advertisement
NIOS ODE 2021: नॅशनल इंस्टिट्यूट ऑफ ओपन स्कूलिंग (NIOS) ने आजपासून म्हणजेच २ ऑगस्ट २०२१ पासून (ODE 2021) साठी नोंदणी प्रक्रिया सुरु केली आहे. माध्यमिक आणि उच्च माध्यमिक अभ्यासक्रमांसाठी ऑन डिमांड परीक्षेसाठी ऑनलाइन नोंदणी एनआयओएसची अधिकृत वेबसाइट nios.ac.in आणि sdmis.nios.ac.in च्या माध्यमातून केले जाणार आहे. दहावी आणि बारावीच्या परीक्षा १७ ऑगस्ट २०२१ पासून सुरु होणार आहे. ऑन डिमांड परीक्षा एनआयओएस मुख्यालय आणि एनआयओएस क्षेत्रीय केंद्राअंतर्गत ओडीई परीक्षा केंद्राच्या रुपात निवडलेल्या केंद्रीय विद्यालयांमध्ये होणार आहे. एनआयओएस मुख्यालय, नोएजा मध्ये परीक्षा आठवड्यातून ४ दिवस मंगळवार ते शुक्रवार आणि केंद्रीय विद्यालयांमध्ये आठवड्यातून तीन दिवस- मंगळवार, बुधवार आणि गुरुवारी आयोजित केली जाणार आहे. वेबसाइटवर जाहीर करण्यात आलेल्या अधिकृत नोटीफिकेशननुसार, ज्या विद्यार्थ्यांनी विषयांमध्ये सुधार करण्यासठी नोंदणी केली आहे आणि ज्या विद्यार्थ्यांचा निकाल जून २०२१ परीक्षेत ग्राह्य धरला नव्हता त्यांना ऑगस्ट २०२१ पर्यंत परीक्षा शुल्क न देता ओडीई अंतर्गत या विषयांची नोंदणी आणि परीक्षेत उपस्थित राहण्याची संधी देण्यात येईल. तसेच स्ट्रीम ३ आणि सहित इतर सर्व विद्यार्थी देखील ODE परीक्षा शुल्क भरल्यानंतर ODE नोंदणी करु शकतात. महत्वाच्या तारखा ओडीईसाठी नोंदणी सुरु होण्याची तारीख ( स्ट्रीम ३ आणि ४ सहित)- २ ऑगस्ट २०२१ ओडीई परीक्षा सुरु होण्याची तारीख- १७ ऑगस्ट २०२१ राष्ट्रीय मुक्त विद्यापीठ शिक्षण संस्थाने ऑन डिमांड एक्झाम २०२१ ची तारीख आणि नोंदणी संदर्भात अधिकृत वेबसाइटवर ३० जुलैला नोटिफिकेशन जाहीर केले होते. यासोबतच संस्थेने आपल्या अधिकृत ट्वीटर हॅंडलवरुन ट्वीट करुन यासंदर्भातील माहिती दिली. अधिकृत वेबसाइटवर याची सविस्तर माहिती मिळू शकेल.
from Career News in Marathi: Career News, मराठी Career बातम्या | Maharashtra Times https://ift.tt/3ihucWM
via nmkadda
