अकरावी प्रवेश प्रक्रिया घरबसल्या पूर्ण करा, POEAM App बद्दल जाणून घ्या Rojgar News

Advertisement

on POEAM App: अकरावीला प्रवेश घेणाऱ्या विद्यार्थ्यांसाठी महत्वाची आणि आनंदाची बातमी आहे. पूर्ण होताना विद्यार्थ्यांना अनेक अडचणींना सामोरे जावे लागते पण आता या त्रासातून विद्यार्थ्यांची सूटका होण्यास मदत होणार आहे. राज्य शिक्षणमंडळातर्फे अकरावी प्रवेश प्रक्रिया पूर्ण करण्यासाठी मोबाइल अॅपची निर्मिती करण्यात आली आहे. विद्यार्थी आता POEAM या मोबाईल अ‌ॅपचा वापर करुन प्रवेश प्रक्रिया पूर्ण करु शकतात. शालेय शिक्षणमंत्री वर्षा गायकवाड यांनी यासंदर्भात ट्विट करुन माहिती दिली. अकरावी प्रवेशप्रक्रियेसाठी मोबाईल अँप तयार आहे आता अँड्राईड मोबाईल वर गुगल प्ले स्टोअर वरून हे अँप डाऊनलोड करता येईल असे वर्षा गायकवाड म्हणाल्या. करोनाच्या पार्श्वभूमीवर घरात बसून प्रवेश प्रक्रिया पूर्ण करता येणार असल्याचे त्या म्हणाल्या. विद्यार्थ्यांना हे अ‌ॅप गुगल प्ले स्टोअर आणि आयओएस वर उपलब्ध होणार असल्याची माहिती शिक्षणमंत्र्यांनी दिली. अकरावी ऑनलाइन प्रवेशांची पहिली गुणवत्ता यादी शुक्रवार २७ ऑगस्ट २०२१ रोजी सकाळी १० वाजण्याच्या सुमारास जाहीर झाली. अकरावी प्रवेशासाठी मुंबई विभागातील तब्बल तीन लाख २० हजार ७१० जागांसाठी दोन लाख ३७ हजार ३८३ विद्यार्थ्यांनी नोंदणी केली होती. यातील अवघ्या दोन लाख दोन हजार ५८ विद्यार्थ्यांनी कॉलेज पसंतीचे पर्याय भरलेले होते. शिक्षण संचालनालयाकडून राज्यातील मुंबई महानगर क्षेत्र, पुणे, पिंपरी-चिंचवड, नाशिक, अमरावती आणि नागपूर या महापालिका क्षेत्रात असलेल्या अकरावीच्या ऑनलाइन प्रवेशाची सर्वसाधारण गुणवत्ता यादी जाहीर करण्यात आली आहे. तुम्हाला पहिल्या गुणवत्ता यादीत कॉलेज अलॉट झाले आहे का ते पुढील पद्धतीने पाहता येईल - - सर्वात आधी अकरावी ऑनलाइन प्रवेशांचे संकेतस्थळ https://ift.tt/2WnqAHp वर जा. - आपला आयडी पासवर्ड देऊन लॉग इन करा. -लॉग इन केल्यावर स्क्रीनवर तुमचे डिटेल्स येतील. - डॅश बोर्डवर 'चेक अलॉटमेंट स्टेटस' पर्यायावर क्लिक करा. - कॉलेज अलॉट झालं असेल तर त्याचं नाव येथे दिसेल. दरम्यान, ११,६५३ विद्यार्थ्यांचे प्रवेश निश्चित सध्या सुरू असलेल्या कोटा प्रवेश प्रक्रियेत इन हाऊस, अल्पसंख्याक, व्यवस्थापन कोटा प्रवेश प्रक्रियेत ११,६५३ विद्यार्थ्यांचे प्रवेश निश्चित झाले आहेत. यामध्ये सर्वाधिक ७,२६८ प्रवेश हे अल्पसंख्याक विद्यार्थ्यांचे आहेत. इन हाऊस कोट्यातील जागांवर ४,१२८ विद्यार्थ्यांचे, तर व्यवस्थापन कोट्यातून २५७ प्रवेश निश्चित झाले आहेत. आतपर्यंत इन हाऊस कोट्यातील १,०५५ जागा; तर व्यवस्थापन कोट्यातील २४२ जागा ऑनलाइन प्रक्रियेत समाविष्ट करण्यात आल्या आहेत.

from Career News in Marathi: Career News, मराठी Career बातम्या | Maharashtra Times https://ift.tt/3kvXaSP
via nmkadda