.webp)
Advertisement
Digital school system: डिजिटल शाळेची संकल्पना देशभरात लागू केली जाईल आणि मिश्र शिक्षणाला शाळांमधील वर्गांशी जोडण्यात प्रोत्साहित केले जाईल असे केंद्रीय यांनी म्हटले. राष्ट्रीय शैक्षणिक धोरणाच्या अंमलबजावणीला एक वर्ष पूर्ण झाल्याच्या निमित्ताने मंत्रालयाने तयार केलेल्या विविध पुस्तकांचे प्रकाशन करताना केंद्रीय शिक्षणमंत्री धर्मेंद्र प्रधान यांनी ही माहिती दिली. डिजिटल शाळेची संकल्पना देशात राबवली जाणार आहे. आर्थिक आणि सामाजिक कारणांमुळे शाळेत जाऊ न शकणाऱ्या तसेच दुर्गम भागात राहणाऱ्या मुलांसाठी ही संकल्पना आहे. शाळांमध्ये उपस्थित राहून आणि डिजिटल माध्यमाद्वारे शिक्षणाला जोडून 'मिश्र शिक्षणावर' भर दिला जाईल असे शिक्षणमंत्री म्हणाले. धर्मेंद्र प्रधान म्हणाले, करोना साथीच्या काळात गेल्या दीड वर्षात शिक्षण कसे झाले याचा अंदाज आपण सहज लावू शकतो. वर्ग बंद राहिल्याने विद्यार्थ्यांना डिजिटल माध्यमातून शिक्षण दिले गेले. डिजिटल शिक्षण घेणे हा अभ्यासाला पर्याय असू शकत नाही. पण याचा अर्थ असा नाही की आपण डिजिटल शिक्षण सोडले पाहिजे. जेव्हा शाळांमध्ये वीज, पाणी, इंटरनेट यासह सर्व सुविधा उपलब्ध होतील, तेव्हा डिजिटलायझेशन वाढेल आणि विद्यार्थ्यांना जागतिक स्तराप्रमाणे तयार होण्यास मदत होईल. स्वातंत्र्यानंतर कोणत्याही सरकारने शैक्षणिक धोरण ठरवले असेल तर त्याचा उद्देश चुकीचा नाही. त्याची अंमलबजावणी करण्याचे आव्हान आहे. अनेक गोष्टी कल्पनेतच राहतात. या मुद्द्याकडे लक्ष देणे महत्वाचे असल्याचे ते म्हणाले. नॅशनल एज्युकेशन पॉलिसी किती यशस्वी झाली हे मोजण्यापेक्षा २१ व्या शतकात भारताच्या नेतृत्वात जागतिक कल्याण व्हावे हा या संकल्पनेचा हेतू आहे. ज्ञानाद्वारे चारित्र्य निर्माण आणि त्यातून राष्ट्र निर्मिती होण्याची यामागची कल्पना आहे जी शतकांपासून भारताची परंपरा राहिली असल्याचे ते म्हणाले.
from Career News in Marathi: Career News, मराठी Career बातम्या | Maharashtra Times https://ift.tt/3zlJaB4
via nmkadda
