.webp)
Advertisement
1 Answer Key: SSC CHSL टियर १ परीक्षेच्या उत्तरतालिकेवर आक्षेप नोंदवण्याची २५ ऑगस्ट ही शेवटची तारीख आहे. कर्मचारी निवड आयोगातर्फे त्यानंतर हरकती सबमिशन विंडो बंद करण्यात येईल. या परीक्षेला बसलेल्या ज्या उमेदवारांना उत्तरतालिकेवर आक्षेप नोंदवायचा असेल ते अधिकृत वेबसाइट ssc.nic.in ला भेट देऊन प्रक्रीया पूर्ण करु शकतात. उत्तर किल्लीवरील आक्षेप संध्याकाळी ६ वाजेपर्यंत नोंदवता येतील. यासाठी उमेदवारांना प्रति प्रश्न शंभर रुपये शुल्क भरावे लागेल. CHSL टियर I परीक्षा १२, १३, १५, १६ आणि १९ एप्रिल २०२१ आणि ४, ५, ६, ९, १०, ११ आणि १२ ऑगस्ट २०२१ रोजी देशभरातील विविध केंद्रांवर घेण्यात आली.SSC च्या अधिकृत वेबसाइटवर परीक्षेबाबत अधिक माहिती मिळू शकते. SSC CHSL 2020 Tier 1 Exam १२ ते १८ एप्रिल २०२१ या कालावधीत आयोजित करण्यात आली होती. ती ४ ऑगस्ट ते १२ ऑगस्ट या कालावधीत संपूर्ण देशभरात आयोजित करण्यात आली होती. पोस्टल असिस्टंट, डेटा एन्ट्री ऑपरेटर, ज्युनिअर सेक्रेटरी असिस्टंट, लोअर डिव्हिजन क्लर्क आणि अन्य पदांवरील भरतीसाठी ही परीक्षा घेण्यात आली होती. उत्तरतालिकेवर आक्षेप नोंदविण्यासाठी खालील स्टेप्स फॉलो करा स्टेप १: उमेदवारांनी अधिकृत वेबसाइट ssc.nic.in वर जा. स्टेप २: वेबसाइटवर दिलेल्या 'संयुक्त उच्च माध्यमिक (१०+२) स्तरीय परीक्षा, २०२० (टियर -१) उमेदवारांच्या उत्तरपत्रिकेसह तात्पुरती उत्तरतालिका अपलोड' लिंकवर क्लिक करा. स्टेप ३: उमेदवाराची उत्तरपत्रिका आणि टेंटेटिव्ह उत्तरतालिका या लिंकवर क्लिक करा. स्टेप ४ आता रोल नंबर आणि पासवर्डच्या मदतीने लॉगिन करा. स्टेप ५: आता उत्तरतालिकेवर आक्षेप नोंदवा स्टेप ६: शुल्क भरा. स्टेप ७: तुम्ही नोंदवलेला आक्षेप सबमिट केला जाईल. निवड प्रक्रिया SSC CHSL 2020 निवड प्रक्रिया तीन टप्प्यात होईल. उमेदवारांना SSC CHSL Tier 1 संगणकीकृत परीक्षा द्यायची आहे. उमेदवारांना या परीक्षेत पात्र होण्यासाठी किमान ३३ टक्के गुण मिळवावे लागतील. त्यानंतर उमेदवारांना टायपिगं टेस्ट किंवा स्कील टेस्ट द्यावी लागेल. उमेदवारांची अंतिम मेरिट लिस्ट टीअर १ आणि टिअर २ परीक्षेतील गुणांच्या आधारे तयार केली जाईल.
from Career News in Marathi: Career News, मराठी Career बातम्या | Maharashtra Times https://ift.tt/2Wo8CaX
via nmkadda
