.webp)
Advertisement
राष्ट्रीय परीक्षा संस्थेतर्फे देशातील आयआयटी प्रवेशासाठी अत्यंत महत्त्वाची असलेली जेईई मेन सत्र -४ ()ही परीक्षा गुरुवार, २६ ऑगस्टपासून देशभरात घेतली जाणार आहे. यासाठीच्या नवीन तारखा एनटीए जाहीर केल्या आहेत. जेईई-मेन परीक्षेला देशभरातून सुमारे ९२ हजारांहून अधिक विद्यार्थी बसणार आहेत. ही मुख्य परीक्षा २६, २७ आणि ३१ ऑगस्टला आणि त्यानंतर १ आणि २ सप्टेंबरला देश आणि विदेशातील विविध ३३४ शहरांमध्ये असलेल्या परीक्षा केंद्रांवर घेतली जाणार आहे. ही परीक्षा पूर्णपणे संगणक प्रणालीच्या माध्यमातून घेतली जाणार आहे. त्यासाठी विद्यार्थ्यांना https://ift.tt/30JsKjS या संकेतस्थळावर हॉलतिकीट उपलब्ध करून देण्यात आले आहेत. जन्मतारीख व इतर काही माहिती भरून त्यांनी हे हॉलतिकीट घ्यावेत, असे आवाहन 'एनटीए'कडून करण्यात आले आहे. या हॉलतिकीटसाठी कोणत्याही प्रकारच्या अडचणी आल्यास हेल्पलाइन आणि ई-मेलची सोयही उपलब्ध करून देण्यात आली आहे. विद्यार्थ्यांना अडचण आल्यास त्यांनी त्यावर तातडीने संपर्क साधावा, असे आवाहन 'एनटीए'च्या वरिष्ठ संचालिका डॉ. साधना पराशर यांनी केले आहे. JEE Main Session 4 Admit Card कसे कराल डाऊनलोड? - सर्वात आधी jeemain.nta.nic.in वर जा. - 'Admit Card' लिंकवर क्लिक करा. - आता तुमचा रजिस्टर्ड आयडी आणि जन्मतारीख नोंदवा - जेईई मेन अॅडमिट कार्ड आता स्क्रीनवर दिसेल. - ते डाऊनलोड करा आणि एक प्रिंट आऊट घेऊन ठेवा. ही परीक्षा विविध १३ भाषांमध्ये आयोजित केली जात आहे. यात मराठीसह इंग्रजी, हिंदी, गुजराती, असामी, बंगाली, कन्नड, मल्याळम, ओडिया, पंजाबी, तमिळ, तेलुगु आणि ऊर्दू या भाषांचा समावेश आहे. जेईई मेनच्या एप्रिल सत्राच्या परीक्षेत १७ विद्यार्थ्यांना १०० पर्सेंटाइल गुण होते. जेईई मेन ४ हे अखेरचे सत्र असून यानंतर जेईई अॅडव्हान्स्डसाठी पात्र उमेदवारांची यादी जाहीर करण्यात येईल.
from Career News in Marathi: Career News, मराठी Career बातम्या | Maharashtra Times https://ift.tt/3BcCx4R
via nmkadda
