.webp)
Advertisement
Apprentice: महाराष्ट्र शासनाच्या पर्यावरण व वातावरणीय बदल विभागासोबत काम करण्याची संधी चालून आली आहे. यासाठी इच्छुक आणि पात्र उमेदवारांकडून अर्ज मागविण्यात येत आहेत. या विभागामध्ये प्रशिक्षणार्थी पदांच्या जागा भरण्यात येणार आहेत. यामध्ये पात्रता, निकष पूर्ण करणाऱ्या २० प्रशिक्षणार्थींची निवड केली जाणार आहे. पर्यावरण व वातावरणीय बदल विभाग इंटर्नशिप कार्यक्रम २०२१-२२ मध्ये प्रशिक्षणार्थी म्हणून अर्ज करण्यासाठी उमेदवारांकडे ३१ ऑगस्टपर्यंत वेळ आहे. यासाठी पदव्युत्तर, रिसर्च स्कॉलर आणि पदवीधर यांना अर्ज करता येणार आहेत. प्रशिक्षणार्थी पदाचा कालावधी हा ६ महिन्यांचा असणार आहे. राज्याचे पर्यावरण मंत्री आदित्य ठाकरे यांनी यासंदर्भात माहिती दिली. ते म्हणाले, राज्य शासनातर्फे वातावरणीय बदलांवर अभ्यासासाठी तरुणांना इंटर्नशीपची संधी उपलब्ध करुन देतेय याचा मला आनंद आहे. पर्यावरण आणि वातावरणीय बदल विभागात २० प्रशिक्षणार्थींना संधी दिली जाणार आहे. यामुळे संबंधित प्रशिक्षणार्थींना पर्यावरण विभाग, वातावरणातील बदल, त्यांचे आंतरराष्ट्रीय संदर्भ यासंदर्भात काम करता येणार आहे. पर्यावरण विभागातर्फे कचरा व्यवस्थापन, जैवविविधता, नवीनकरणीय ऊर्जा, जलसंधारण, सामाजिक जाणीव जागृतीसंदर्भात काम करण्यासाठी पुढाकार घेतला जात आहे. याअंतर्गत राज्यातील ३ हजार ५०० शहरी आणि ग्रामीण स्वराज्य संस्थासोबत काम केले जात आहे. महाराष्ट्र राज्य पर्यावरण विभागाची अधिकृत वेबसाइट envd.maharashtra.gov.in वर यासंदर्भात अधिक माहिती मिळू शकणार आहे. या रिक्त पदांसाठी इच्छुक असणाऱ्या उमेदवारांनी अधिकृत वेबसाइटला भेट देणे गरजेचे आहे असे आवाहन करण्यात आले आहे.
from Career News in Marathi: Career News, मराठी Career बातम्या | Maharashtra Times https://ift.tt/3z60gmv
via nmkadda
