C-DAC मध्ये २५९ पदांची भरती, जाणून घ्या तपशील Rojgar News

Advertisement

C-DAC Recruitment 2021: सेंटर फॉर डेव्हलपमेंट ऑफ अॅडव्हान्स्ड कॉम्प्युटिंग (Centre for Development of Advanced Computing,C-DAC)मध्ये प्रोजेक्ट इंजिनीअर, प्रोजेक्ट असोशिएटसहित इतर पदांवर उमेदवारांकडून अर्ज मागविण्यात येत आहे. या अंतर्गत एकूण २५९ पदांवर नियुक्ती केली जाणार आहे. या पदांसाठी अर्ज करण्यास इच्छुक आणि पात्र उमेदवार CDAC च्या अधिकृत वेबसाइट cdac.in वर ऑनलाइन अर्ज करू शकतात. या पदांसाठी अर्ज करण्याची शेवटची तारीख २५ सप्टेंबर २०२१ पर्यंत आहे. या तारखेनंतर आलेले अर्ज स्वीकारले जाणार नाहीत. सी-डॅकने जाहीर केलेल्या नोटिफिकेशननुसार, पुणे केंद्रासाठी विविध प्रकल्पांसाठी प्रोजेक्ट इंजिनीअर, प्रोजेक्ट असोशिएटसहित इतर पदे भरली जाणार आहेत. ही भरती कंत्राटी तत्त्वावर केली जाणार आहे. या व्यतिरिक्त, ज्या उमेदवारांना वरील पदांसाठी अर्ज करायचा आहे त्यांनी अधिकृत वेबसाइटवर उपलब्ध असलेले नोटिफिकेशन काळजीपूर्वक वाचावे आणि त्यानंतर अर्ज करावा. फॉर्ममध्ये काही विसंगती आढळली तर अर्ज बाद करण्यात येईल. रिक्त पदाचा तपशील प्रोजेक्ट इंजिनीअर - २४९ पदे प्रोजेक्ट असोसिएट- ०४ पदे प्रोजेक्ट सपोर्ट स्टाफ- ०२ पदे महत्वाच्या तारखा ऑनलाईन नोंदणी सुरू- ०२ सप्टेंबर २०२१ ऑनलाईन नोंदणीची शेवटची तारीख- २५ सप्टेंबर २०२१ उमेदवारांना लेखी चाचणी/मुलाखतीची तारीख ईमेलद्वारे कळवली जाणार आहे. या पदासाठी अर्ज करण्यासाठी उमेदवारांना ५०० रुपये शुल्क भरावे लागेल. सी-डॅक वेबसाइटवर ऑनलाइन अर्ज प्रक्रियेदरम्यान डेबिट/क्रेडिट कार्ड वापरून अर्ज भरता येणार आहे. एससी/एसटी/पीडब्ल्यूडी/ईडब्ल्यूएस श्रेणीच्या उमेदवार आणि महिला उमेदवारांना शुल्कामध्ये सवलत देण्यात आली आहे.

from Career News in Marathi: Career News, मराठी Career बातम्या | Maharashtra Times https://ift.tt/3jHFcxi
via nmkadda