.webp)
Advertisement
CAT 2021: कॅट परीक्षेच्या नोंदणीसाठी मुदतवाढ देण्यात आली आहे. यानुसार, आता कॉमन अॅडमिशन टेस्ट ( Common Admission Test, ) साठी उमेदवार २२ सप्टेंबर २०२१ रोजी सायंकाळी ५ वाजेपर्यंत अर्ज करू शकतात. यापूर्वी कॅट परीक्षेसाठी अर्ज करण्याची अखेरची मुदत १५ सप्टेंबर २०२१ होती. ज्या उमेदवारांनी अद्याप या परीक्षेसाठी अर्ज केला नाही, ते अधिकृत वेबसाइट iimcat.ac.in वर जाऊन नोंदणी करू शकतात. परीक्षेचे आयोजन भारतीय व्यवस्थापन संस्था (Institute of Management, IIM Ahmedabad) अहमदाबाद द्वारे केले जाणार आहे. परीक्षा २८ नोव्हेंबर २०२१ रोजी आयोजित केली जाणार आहे. आयआयएम संस्थेद्वारे कॅट परीक्षा २०२१ चे आयोजन देशातील १५८ शहरात केलं जाणार आहे. या परीक्षेसाठी अॅडमिट कार्ड विद्यार्थ्यांसाठी २७ ऑक्टोबर रोजी अधिकृत वेबसाइटवर उपलब्ध केले जाणार आहे. हॉल तिकीट जारी झाल्यानंतर आवश्यक ती माहिती भरून उमेदवार अॅडमिट कार्ड डाऊनलोड करू शकतील. वेबसाइटवर दिलेल्या माहितीनुसार, परीक्षेचा निकाल जानेवारी २०२२ च्या दुसऱ्या आठवड्यात जाहीर केला जाणार आहे. शुल्क किती? कॅट परीक्षेसाठी सर्वसामान्य प्रवर्गातील उमेदवारांसाठी २२०० रुपये शुल्क असेल. आरक्षित प्रवर्गांसाठी ११०० रुपये अर्ज शुल्क असेल. CAT 2021: कॅट परीक्षेसाठी असा करा ऑनलाइन अर्ज कॅट परीक्षेसाठी ऑनलाइन रजिस्ट्रेशन करण्यासाठी उमेदवारांनी सर्वात आधी कॅटच्या अधिकृत वेबसाइट- iimcat.ac.in वर जावे लागेल. त्यानंतर नोंदणीसाठी 'New Registration' टॅबवर क्लिक करा. यानंतर ज्यांची आधीच नोंदणी केली आहे त्यांनी 'लॉगिन' टॅबवर क्लिक करावे. यानंतर कॅट २०२१ चा अर्ज स्क्रीनवर दिसेल. त्यानंतर सर्व आवश्यक तपशीलासह अर्ज भरावा. आता स्कॅन केलेली कागदपत्रे अपलोड करा. कॅट २०२१ अर्ज शुल्क भरा. यानंतर सबमिट करा. भरलेला अर्ज डाऊनलोड करा आणि भविष्यातील संदर्भासाठी त्याचे प्रिंट आऊट घेऊन ठेवा.
from Career News in Marathi: Career News, मराठी Career बातम्या | Maharashtra Times https://ift.tt/3k94mFo
via nmkadda
