CBSE पुरवणी परीक्षांच्या तारखा बदलण्याची मागणी करणारी याचिका तहकूब Rojgar News

CBSE पुरवणी परीक्षांच्या तारखा बदलण्याची मागणी करणारी याचिका तहकूब Rojgar News

केंद्रीय माध्यमिक शिक्षण मंडळातर्फ होऊ घातलेल्या ऑफलाइन पुरवणी परीक्षांच्या तारखा बदलाव्यात अशी मागणी करणारी याचिका सर्वोच्च न्यायालयाने शुक्रवारी तहकूब केली. सोमवारपर्यंत ही याचिका तहकूब करण्यात आली आहे. सीबीएसईच्या ऑफलाइन परीक्षा नीट २०२१ सह अन्य स्पर्धा परीक्षांसोबत क्लॅश होत असल्याने त्यांच्या तारखा बदलण्याचे निर्देश सीबीएसईला द्यावेत, अशी याचिकाकर्त्यांची मागणी आहे. ज्या विद्यार्थ्यांनी पुरवणी परीक्षेला बसण्यासाठी नोंदणी केली आहे, अशा विद्यार्थ्यांना तात्पुरते (प्रोव्हिजनल) प्रवेश देण्याचे निर्देश महाविद्यालये, विद्यापीठांना द्यावेत, अशीही मागणी या याचिकेत करण्यात आली आहे. या याचिकेवरील सुनावणीच्या वेळी शुक्रवारी न्यायालयाने खासगीरित्या तसेच पुरवणी परीक्षांना बसणाऱ्या विद्यार्थ्यांचे निकाल, पदवी प्रवेश यावर चर्चा केली. याचिकाकर्त्यांनी एक अॅडव्हान्स्ड कॉपी एआयसीटीईला द्यावी, असे निर्देशही सर्वोच्च न्यायालयाने दिले. कारण एआयसीटीई ही तंत्र शिक्षणाची देशातील शिखर संस्था आहे. सीबीएसई बोर्डाच्या परीक्षांना खासगीरित्या प्रविष्ठ होणाऱ्या विद्यार्थ्यांचे निकाल जाहीर झाल्याशिवाय महाविद्यालयांनी प्रवेश प्रक्रिया राबवू नये असे निर्देश यूजीसीला देण्याची मागणीही याचिकाकर्त्यांचे वकील अजनेय मिश्रा यांनी केली. त्यावर यूजीसीचे वकील अपूर्व कुरुप यांनी कोर्टाला सांगितले की सीबीएसईने एक निश्चित तारीख दिल्यास प्रवेशांना पुरेसा अवधी आहे. यावर सीबीएसईचे वकीय रुपेश कुमार यांनी सांगितले की, 'परीक्षा १६ सप्टेंबर पर्यंत संपणार आहेत आणि निकाल ३० सप्टेंबर पर्यंत जाहीर होणार आहे. या वेळापत्रकाला या न्यायालयाने मान्यता दिली आहे.' सीबीएसईच्या सुधार परीक्षा ऑफलाइन पद्धतीने २५ ऑगस्ट ते १५ सप्टेंबर या कालावधीत होणार आहेत. दरम्यान, काही विद्यार्थी नीट २०२१ परीक्षा पुढे ढकल्याचीही मागणी करत आहेत. १३ सप्टेंबर २०२१ रोजी नीट परीक्षा संपल्यानंतर सीबीएसीच्या विद्यार्थ्यांचा गणिताचा पेपर आहे.


from Career News in Marathi: Career News, मराठी Career बातम्या | Maharashtra Times https://ift.tt/2VdCuGp
via nmkadda

0 Response to "CBSE पुरवणी परीक्षांच्या तारखा बदलण्याची मागणी करणारी याचिका तहकूब Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel