Advertisement
GATE 2022: गेट २०२२ परीक्षेसाठी नोंदणी करु न शकलेल्या उमेदवारांसाठी दिलासादायक बातमी आहे. आयआयटी खरगपूरने गेट २०२२ नोंदणीची मुदत वाढवली आहे. संस्थेने अधिकृत वेबसाइटवर जाहीर केलेल्या अपडेटनुसार, 'तांत्रिक समस्यांमुळे () अर्जाची अंतिम मुदत २८ सप्टेंबरपर्यंत वाढविण्यात आली आहे. गेट २०२२ परीक्षेसाठी नोंदणी अर्ज भरण्याची प्रक्रिया ३० ऑगस्टपासून सुरू झाली असून याआधी २४ सप्टेंबर ही नोंदणीची शेवटची तारीख होती. उमेदवार आयआयटी खरगपूरची अधिकृत वेबसाइट iitkgp.ac.in, gate.iitd.ac.in वर जाऊन (GATE Registration 2022) नोंदणी करु शकतात. उमेदवार एक किंवा दोन पेपरसाठी अर्ज करू शकतात पण एकच अर्ज भरला जाईल. अर्ज भरताना काही त्रुटी असल्यास संस्थेकडून अर्ज दुरुस्ती विंडो २६ ऑक्टोबर ते १ नोव्हेंबरपर्यंत उघडली जाईल. १२ नोव्हेंबरपर्यंत पेपर, कॅटेगरी किंवा परीक्षा केंद्र या पर्यायामध्ये दुरुस्ती करता येईल. Date: गेट २०२२ परीक्षा केव्हा? गेट २०२२ परीक्षेचे आयोजन ५ फेब्रुवारी, ६ फेब्रुवारी, १२ फेब्रुवारी आणि १३ फेब्रुवारी २०२२ ला केले जाणार आहे. आयआयटी खरगपूरने दिलेल्या माहितीनुसार, करोना प्रादुर्भावाच्या पार्श्वभूमीवर या वेळापत्रकामध्ये बदल देखील केला जाऊ शकतो. GATE Exam schedule: पाहा संपूर्ण वेळापत्रक गेट २०२२ साठी ऑनलाइन नोंदणी सुरुवात- ३० ऑगस्ट २०२१ रेग्यूलर ऑनलाइन नोंदणीची शेवटची तारीख- २८ सप्टेंबर २०२१ लेट फीससहित नोंदणीची शेवटची तारीख- १ ऑक्टोबर २०२१ परीक्षेची तारीख-५,६,१२ आणि १३ फेब्रुवारी २०२२ गेट रिझल्टची तारीख- १७ मार्च २०२२ अशी करा नोंदणी GATE २०२२ नोंदणी फॉर्म भरण्यासाठी उमेदवारांनी gate.iitb.ac.in या वेबसाइटवर जावे. यानंतर, होमपेजवर ऑनलाईन अर्ज लिंकवर क्लिक करा. नंतर दिलेल्या सूचना वाचून नवीन युजर/ रजिस्ट्रेशन लिंकवर क्लिक करा. यानंतर मागितलेला तपशील भरून नोंदणीची प्रक्रीया पूर्ण करा. यानंतर स्वत:च्या ईमेल आयडी आणि पासवर्डने लॉगिन करून आणि परीक्षेशी संबंधित तपशील भरून नोंदणी पूर्ण करा. GATE २०२२ फॉर्म भरताना १५०० रुपये शुल्क ऑनलाईन माध्यमातून भरावे लागेल.
from Career News in Marathi: Career News, मराठी Career बातम्या | Maharashtra Times https://ift.tt/3CMpGHl
via nmkadda