Advertisement
2021: केंद्रीय शिक्षण मंत्रालयाने जेईई मेन २०२१ सत्र ४ ची मुख्य आकडेवारी मंगळवार १४ सप्टेंबर २०२१ रोजी उशिरा जाहीर केली. यानंतर परीक्षेला बसलेल्या उमेदवारांचे निकाल आणि स्कोअर कार्ड पाहण्याची लिंक सक्रिय करण्यात आली आहे. परीक्षेचे आयोजन करणाऱ्या राष्ट्रीय चाचणी एजन्सी () च्या अधिकृत वेबसाइट jeemain.nta.nic.in वर जाऊन स्कोअर कार्ड पाहता येणार आहे. उमेदवार स्कोअर कार्ड डाउनलोड आणि प्रिंट करू शकतात. यासोबतच एनटीएने मे २०२१ मध्ये प्रस्तावित पण करोनामुळे ऑगस्ट सप्टेंबरमध्ये झालेल्या चौथ्या टप्प्यातील जेईई मेन २०२१ मध्ये उपस्थित झालेल्या उमेदवारांची ऑल इंडिया रॅंक(AIR) आणि परीक्षेची अंतिम उत्तरतालिका जाहीर केली जाणार आहे. जेईई मेन २०२१ सत्र ४ मध्ये (AIR) रॅंक १ वर १८ उमेदवार जेईई-मेन इंजिनीअरिंग प्रवेश परीक्षेचा निकाल मंगळवारी रात्री जाहीर झाला. यामध्ये एकूण ४४ उमेदवारांनी शंभर टक्के गुण मिळवले आहेत. एनटीएने जाहीर केलेल्या नोटिफिकेशननुसार १८ उमेदवारांनी चौथ्या सत्राच्या परीक्षेत प्रथम क्रमांक मिळवला आहे. यापैकी ४ आंध्र प्रदेश, २ तेलंगणा आणि उत्तर प्रदेश आणि राजस्थानमधील प्रत्येकी २ उमेदवार आहेत. उत्तर तालिका होणार जाहीर जेईई मेन २०२१ सत्र ४ ची अंतिम उत्तरतालिका देखील उमेदवारांच्या ऑल इंडिया रँकनंतर आता स्कोअर कार्डसह जाहीर करणार आहे. याआधी, NTA ने ६ सप्टेंबर २०२१ रोजी जेईई मेन चौथ्या टप्प्याची अनौपचारिक उत्तरतालिका आणि रिस्पॉन्सशीट जाहीर केली. ८ सप्टेंबर २०२१ पर्यंत उमेदवारांना आपले आक्षेप नोंदविण्यासाठी वेळ देण्यात आला होता. याचा आढावा घेतल्यानंतर अंतिम उत्तरतालिका जाहीर केली जाणार आहेत. याच्या आधारे उमेदवार जेईई मेन २०२१ सत्र ४ स्कोअर कार्डवरील गुणांचे मोजमाप आणि तपासणी करू शकतील.
from Career News in Marathi: Career News, मराठी Career बातम्या | Maharashtra Times https://ift.tt/3zd42cQ
via nmkadda