.webp)
Advertisement
NEET 2021: वैद्यकीय आणि दंत महाविद्यालयांमध्ये यूजी अभ्यासक्रमांच्या प्रवेशासाठी राष्ट्रीय पात्रता सह प्रवेश परीक्षा ही १२ सप्टेंबरपासून सुरु होणार आहे. होणार आहे. देशभरातील विविध केंद्रांवर ही परीक्षा होणार असून त्याचे प्रवेशपत्रही जाहीर करण्यात आले आहे. पण परीक्षेच्या २ दिवस आधी सोशल मीडियावर NEET चा पेपर लीक झाला अशा चर्चा मोठ्या प्रमाणात होऊ लागल्या. सध्या ट्विटरवर #OperationNEET ट्रेंडिंग सुरू आहे. वैद्यकीय आणि दंत महाविद्यालयांमध्ये यूजी अभ्यासक्रमांच्या प्रवेशासाठी राष्ट्रीय पात्रता सह प्रवेश परीक्षा NEET २०२१ ही १२ सप्टेंबरपासून सुरु होत आहे. देशभरातील विविध केंद्रांवर ही परीक्षा होणार असून त्याचे प्रवेशपत्रही जाहीर करण्यात आले आहे. पण परीक्षेच्या २ दिवस आधी सोशल मीडियावर NEET चा पेपर लीक झाल्याचे म्हटले जात आहे. ऑपरेशन NEET नावाचे कथित स्टिंग ऑपरेशन एका वृत्तवाहिनीने दाखविले. त्यानंतर #OperationNEET ट्रेंड व्हायला लागल्याचे एका विद्यार्थ्याने सांगितले. यामध्ये सरकारी किंवा खासगी वैद्यकीय महाविद्यालयांमध्ये मेडिकल सीट्सच्या बदल्यात उमेदवारांकडून लाखो रुपये उकळल्याचा आरोप काही लोकांवर करण्यात आला आहे. अहवालानुसार, SC-ST जागांसाठी सुमारे २५ ते ३० लाख रुपये आण सामान्य श्रेणीच्या जागांसाठी ६० ते ७० लाख रुपये आकारले जात असल्याचे म्हटले जात आहे. ने काय म्हटले? राष्ट्रीय चाचणी एजन्सीचे महासंचालक विनीत जोशी यांनी यानंतर प्रसारमाध्यमांसाठी निवेदन जाहीर केले. आम्हाला आतापर्यंत अशी कोणतीही तक्रार आलेली नाही. ही एक अफवा आहे. ही फेक न्यूज आहे. विद्यार्थ्यांनी अशा बातम्यांवर विश्वास न ठेवण्याचा सल्ला त्यांनी दिला आहे. जेईई मेनमध्ये गैरव्यवहार प्रकरणी सीबीआयचे छापे यापूर्वी जेईई मुख्य परीक्षेत गैरप्रकार झाल्याचे उघडकीस आले होते. जेईई घोटाळ्यात एका खासगी कोचिंग संस्थेने जेईई मुख्य परीक्षा केंद्र हॅक केल्याचा आरोप करण्यात आला. सीबीआयच्या तपासानुसार, हॅकर्स विद्यार्थ्यांच्या वतीने दूरच्या ठिकाणी बसून परीक्षा देण्याचा प्रयत्न करायचे. सीबीआयच्या तपासानुसार कोचिंग सेंटर प्रति विद्यार्थी १२ ते १५ लाख रुपयांची मागणी करत होते. यानंतर सीबीआयच्या पथकांनी दिल्ली, पुणे, जमशेदपूर, इंदूर आणि बंगळुरू येथील १९ ठिकाणी छापे टाकले असे अधिकाऱ्याने म्हटले. 'या छाप्यांदरम्यान, २५ लॅपटॉप, सात पीसी (खासगी संगणक), नंतरच्या तारखेचे साधारण ३० धनादेश, अनेक विद्यार्थ्यांच्या पीडीसी (प्रोव्हिजनल डिग्री सर्टिफिकेट) मार्कशीट मोठ्या प्रमाणात सापडल्या असे सीबीआयचे प्रवक्ते आर.सी जोशी यांनी सांगितले.
from Career News in Marathi: Career News, मराठी Career बातम्या | Maharashtra Times https://ift.tt/3C1BDZ7
via nmkadda
