NEET परीक्षा १२ सप्टेंबरलाच होणार, सर्वोच्च न्यायालयाचा महत्वपूर्ण निर्णय Rojgar News

NEET परीक्षा १२ सप्टेंबरलाच होणार, सर्वोच्च न्यायालयाचा महत्वपूर्ण निर्णय Rojgar News

2021: १२ सप्टेंबरला होणारी NEET परीक्षा पुढे ढकलण्याची मागणी करणारी याचिका सर्वोच्च न्यायालयाने फेटाळून लावली आहे. ही परीक्षा सीबीएसई कंपार्टमेंट, खासगी आणि इतर परीक्षा एकाच दिवशी येत असल्याने पुढे ढकलावी अशी मागणी याचिकाकर्त्यांनी केली होती. पण नीट परीक्षा १२ सप्टेंबर रोजी ठरलेल्या तारखेला होईल असे सुप्रीम कोर्टाने म्हटले आहे. आम्ही या याचिकेवर सुनावणी घेणार नाही. आम्हाला अनिश्चिततेची परिस्थिती नकोय. परीक्षा व्हायला हवी असे या प्रकरणी न्या. ए एम खानविलकर, न्या. हृषिकेश रॉय आणि न्या. सीटी रवी कुमार यांच्या खंडपीठाने सांगितले. NEET प्रवेश परीक्षा इतर परीक्षासोबत एकाच दिवशी येत असल्याचा युक्तिवाद करणारी याचिका सर्वोच्च न्यायालयाने फेटाळून लावली. त्याचवेळी न्यायालयाने म्हटले की, १६ लाखांहून अधिक विद्यार्थी NEET परीक्षेत भाग घेणार आहेत. काही विद्यार्थ्यांच्या विनंतीवरून ही परीक्षा टाळता येत नाही. यापूर्वी NEET परीक्षा एप्रिल महिन्यात घेण्यात येणार होती, परंतु करोना परिस्थिती पाहता ती पुढे ढकलण्यात आली. NEET परीक्षा १२ सप्टेंबर रोजी घेतली जाईल. करोना प्रोटोकॉलचे पालन करून ही परीक्षा घेतली जाईल असे १२ जुलै रोजी केंद्रीय शिक्षण मंत्री धर्मेंद्र प्रधान यांनी ट्विट करून म्हटले होते. नीट यूजी परीक्षा देणारे नोंदणीकृत उमेदवार neet.nta.nic.in वर जाऊन परीक्षा केंद्राचे शहर तपासू शकतील. वैद्यकीय प्रवेश परीक्षा घेतली जाणाऱ्या सर्व शहरांचा परीक्षा शहरांच्या यादीमध्ये समावेश आहे. उमेदवार त्यांचा अर्ज क्रमांक आणि पासवर्ड वापरून त्यांना निर्धारित करण्यात आलेल्या NEET UG 2021 परीक्षेचे शहर तपासू शकतील. अर्ज भरताना उमेदवारांनी दिलेल्या प्राधान्यांच्या आधारे NTA कडून परीक्षेचे शहर वाटप केले जाते. NEET UG परीक्षा १२ सप्टेंबर २०२१ रोजी घेण्यात येणार आहे. देशभरातील २०३ शहरांमध्ये ही परीक्षा घेतली जाणार आहे. यासाठी ९ सप्टेंबर २०२१ रोजी NTA कडून प्रवेशपत्र देण्यात येणार आहे. या परीक्षेत उपस्थित राहणाऱ्या उमेदवारांनी प्रवेशपत्र जाहीर झाल्यानंतर अधिकृत वेबसाइट neet.nta.nic.in वर जाऊन प्रवेशपत्र डाउनलोड करावे. NEET परीक्षा २०२१ साठी ऑनलाईन अर्ज करण्याची प्रक्रिया १३ जुलैपासून सुरू झाली. याआधी ६ ऑगस्ट २०२१ ही अर्ज करण्याची शेवटची तारीख होती. ही तारीख वाढवून १० ऑगस्ट २०२१ करण्यात आली. त्याचबरोबर उमेदवारांना परीक्षा शुल्क जमा करण्याची आणखी एक संधी देत १३ ऑगस्ट ते १५ ऑगस्ट पर्यंत वेळ देण्यात आला होता.


from Career News in Marathi: Career News, मराठी Career बातम्या | Maharashtra Times https://ift.tt/3l151b0
via nmkadda

0 Response to "NEET परीक्षा १२ सप्टेंबरलाच होणार, सर्वोच्च न्यायालयाचा महत्वपूर्ण निर्णय Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel