NIRF Ranking 2021: देशातील टॉप मॅनेजमेंट कॉलेजांची यादी जाहीर Rojgar News

NIRF Ranking 2021: देशातील टॉप मॅनेजमेंट कॉलेजांची यादी जाहीर Rojgar News

Management Ranking 2021: इंडियन इन्स्टिट्यूट ऑफ मॅनेजमेंट अहमदाबाद म्हणजेच आयआयएम अहमदाबाद ही देशातील सर्वोत्तम मॅनेजमेंट संस्था ठरली आहे. आयआयएम बंगळुरू दुसऱ्या क्रमांकावर आणि आयआयएम कोलकाता तिसऱ्या स्थानावर आहे. एनआयआरएफ रँकिंग २०२१ च्या मॅनेजमेंट रॅंकिंगमध्ये या संस्थांना हे रँकिंग मिळाले आहे. केंद्रीय शिक्षणमंत्री धर्मेंद्र प्रधान यांनी एनआयआरएफ रँकिंग २०२१ जाहीर केली. यावेळी सर्व कॅटेगरीतील राष्ट्रीय संस्थात्मक नामांकन (NIRF) रँकिंग जाहीर करण्यात आले. अहमदाबाद, बंगळूर आणि कोलकात्याच्या आयआयएमनंतर एनआयआरएफ रॅंकिंग २०२१ मध्ये चौथे स्थान भारतीय प्रबंध संस्थान कोझिकोडला मिळाले आहे. त्यानंतर इंडियन इन्स्टिट्यूट ऑफ टेक्नॉलॉजी (IIT), दिल्ली ही संस्था NIRF रँकिंग २०२१ च्या मॅनेजमेंट कॅटेगरीमध्ये पाचव्या स्थानावर आहे. एकूण विद्यापीठे, इंजिनीअरिंग संस्था, महाविद्यालये, मॅनेजमेंट संस्था, फार्मसी, मेडिकल, आर्किटेक्चर, लॉ अशा विविध अभ्यासक्रमांच्या संस्थांच्या बाबतीत हे रँकिंग केले जाते. संस्थांमधील शिकवणी, सोयी-सुविधा, संशोधन, पदवी घेऊन बाहेर पडणाऱ्या विद्यार्थ्यांची संख्या आदी विविध विविध निकषांवर ही क्रमवारी दिली जाते. '११ कॅटगरीमधील एनआयआरएफ रँकिंग २०२१ जाहीर करताना मला आनंद होत आहे. मी सर्व रँकिंग मिळालेल्या संस्थांचे अभिनंदन करतो. आज देशात ५० हजारांहून अधिक उच्च शिक्षण संस्था आणि ५० दशलक्ष विद्यार्थी आहेत. या सर्वांसाठी रँकिंग महत्त्वाचे आहे असे धर्मेंद्र प्रधान म्हणाले. या वर्षीच्या एनआयआरएफ रँकिंग २०२१ मध्ये आयआयटी मद्रास पुन्हा देशातील सर्वोत्तम संस्था ठरली आहे. विद्यापीठ श्रेणीमध्ये, आयआयएससी बंगळुर या वर्षी पहिल्या स्थानावर आहे आणि जेएनयू दुसऱ्या स्थानावर आहे. त्याचप्रमाणे, आयआयटी मद्रास ही इंजिनीअरिंग कॅटगरीतील देशातील सर्वोत्तम संस्था ठरली आहे. त्यानंतर आयआयटी दिल्ली आणि त्यानंतर आयआयटी मुंबईचा क्रमांक लागतो. एनआयआरएफ रँकिंग २०२१ टॉप १० कॅटेगरी एनआयआरएफ रँकिंग २०२१ एकूण १० कॅटेगरीमध्ये जाहीर करण्यात आली आहे. या टॉप कॅटेगरीमध्ये विद्यापीठ, मॅनेजमेंट, महाविद्यालय, फार्मसी, वैद्यकीय, इंजिनीअरिंग, आर्किटेक्चर, लॉ, आणि एआरआयआयए (इनोव्हेशन अचीव्हमेंट्सवरील संस्थांची अव्वल रँकिंग) यांचा समावेश आहे. नॅशनल इंस्टिट्युशनल रँकिंग फ्रेमवर्क (NIRF) केंद्रीय मनुष्यबळ विकास मंत्रालयाने स्वीकारून २९ सप्टेंबर २०१५ रोजी लाँच केले.


from Career News in Marathi: Career News, मराठी Career बातम्या | Maharashtra Times https://ift.tt/3l7o57N
via nmkadda

0 Response to "NIRF Ranking 2021: देशातील टॉप मॅनेजमेंट कॉलेजांची यादी जाहीर Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel