Deoxa Indonesian Channels
Best Viral news Website

Label

lisensi

Advertisement

Advertisement
गुरुवार, ९ सप्टेंबर, २०२१, सप्टेंबर ०९, २०२१ WIB
Last Updated 2021-09-09T08:43:03Z
मराठी Career बातम्या | Maharashtra Times C2KCareer News in Marathi: Career NewsIFTTTjobmarathimajhinaukrimajhinewsnmkadda

NIRF Rankings 2021: आयआयटी मद्रास भारतातील सर्वोत्तम संस्था, जाणून घ्या संपू्र्ण यादी Rojgar News

Advertisement
Rankings 2021: केंद्रीय शिक्षणमंत्री धर्मेंद्र प्रधान यांनी २०२१ वर्षाचे राष्ट्रीय संस्थात्मक नामांकन (NIRF) रँकिंग जाहीर केले आहे. इंडियन इन्स्टिट्यूट ऑफ टेक्नॉलॉजी मद्रास ()भारतातील सर्वोत्तम संस्था ठरली आहे. सलग तिसऱ्या वर्षी आयआयटी मद्रासने अव्वल स्थान मिळवले आहे. आयआयटी मद्रासला एनआयआरएफ रँकिंग २०२१ मध्ये 'ओव्हरऑल' आणि 'इंजिनीअरिंग' श्रेणीमध्ये भारतात पहिल्या क्रमांकावर स्थान मिळाले आहे. तब्बल सात आयआयटींनी यादीत स्थान मिळवले आहे. IISc बंगळुरूने देशातील सर्वोत्तम संस्था म्हणून आपले स्थान कायम ठेवले आहे आणि एकूण रँकिंगमध्ये दुसरे स्थान मिळविले आहे. आयआयटी मुंबईने टॉप विद्यापीठांच्या यादीत तिसरे स्थान मिळवले आहे. आयआयटी दिल्ली, आयआयटी कानपूर आणि आयआयटी खरगपूर अनुक्रमे चौथ्या, पाचव्या आणि सहाव्या स्थानावर आहेत. जवाहरलाल नेहरू विद्यापीठ आणि बनारस हिंदू विद्यापीठाने नववा आणि दहावा क्रमांक मिळवला आहे. '११ कॅटगरीमधील एनआयआरएफ रँकिंग २०२१ जाहीर करताना मला आनंद होत आहे. मी सर्व रँकिंग मिळालेल्या संस्थांचे अभिनंदन करतो. आज देशात ५० हजारांहून अधिक उच्च शिक्षण संस्था आणि ५० दशलक्ष विद्यार्थी आहेत. या सर्वांसाठी रँकिंग महत्त्वाचे आहे असे धर्मेंद्र प्रधान म्हणाले. या वर्षीच्या एनआयआरएफ रँकिंग २०२१ मध्ये पुन्हा देशातील सर्वोत्तम संस्था ठरली आहे. विद्यापीठ श्रेणीमध्ये, आयआयएससी बंगळुर या वर्षी पहिल्या स्थानावर आहे आणि जेएनयू दुसऱ्या स्थानावर आहे. त्याचप्रमाणे, आयआयटी मद्रास ही इंजिनीअरिंग कॅटगरीतील देशातील सर्वोत्तम संस्था ठरली आहे. त्यानंतर आयआयटी दिल्ली आणि त्यानंतर आयआयटी मुंबईचा क्रमांक लागतो. त्याचप्रमाणे मॅनेजमेंट कॅटगरीमध्ये आयआयएम अहमदाबाद, आयआयएम बंगळूर आणि आयआयएम कोलकाता ही देशातील तीन सर्वोत्तम मॅनेजमेंट महाविद्यालये आहेत. त्याचबरोबर मिरांडा हाऊस, एलएसआर फॉर वुमन दिल्ली आणि लोयोला कॉलेज, चेन्नई ही देशातील तीन सर्वोत्तम कॉलेज आहेत. फार्मसी कॅटगरीमध्ये, जामिया हमदर्द, नवी दिल्ली पहिल्या स्थानावर, पंजाब विद्यापीठ चंदीगड दुसऱ्या स्थानावर आणि एनआयपीईआर मोहाली तिसऱ्या स्थानावर आहे. मेडीकल कॅटेगरीमध्ये एम्स दिल्ली पहिल्या स्थानावर, पीजीआयएमईआर चंदीगड दुसऱ्या आणि ख्रिश्चन मेडिकल कॉलेज, वेल्लोर तिसऱ्या स्थानावर आहे. एनआयआरएफ रँकिंग टिचिंग, लर्निंग, रिसर्च, व्यावसायिक पद्धती, आउटरीच आणि सर्वसमावेशकतेच्या आधारे विद्यापीठ आणि इतर उच्च शिक्षण संस्थांमध्ये रॅंकिंग जाहीर केली जाते. एनआयआरएफ रँकिंग २०२१ टॉप १० कॅटेगरी एनआयआरएफ रँकिंग २०२१ एकूण १० कॅटेगरीमध्ये जाहीर करण्यात आली आहे. या टॉप कॅटेगरीमध्ये विद्यापीठ, व्यवस्थापन, महाविद्यालय, फार्मसी, वैद्यकीय, इंजिनीअरिंग, आर्किटेक्चर, लॉ, आणि एआरआयआयए (इनोव्हेशन अचीव्हमेंट्सवरील संस्थांची अव्वल रँकिंग) यांचा समावेश आहे. नॅशनल इंस्टिट्युशनल रँकिंग फ्रेमवर्क (NIRF) केंद्रीय मनुष्यबळ विकास मंत्रालयाने स्वीकारून २९ सप्टेंबर २०१५ रोजी लाँच केले. निकष जाणून घ्या एकूण विद्यापीठे, इंजिनीअरिंग संस्था, महाविद्यालये, मॅनेजमेंट संस्था, फार्मसी, मेडिकल, आर्किटेक्चर, लॉ अशा विविध अभ्यासक्रमांच्या संस्थांच्या बाबतीत हे रँकिंग केले जाते. संस्थांमधील शिकवणी, सोयी-सुविधा, संशोधन, पदवी घेऊन बाहेर पडणाऱ्या विद्यार्थ्यांची संख्या आदी विविध विविध निकषांवर ही क्रमवारी दिली जाते.


from Career News in Marathi: Career News, मराठी Career बातम्या | Maharashtra Times https://ift.tt/3E3zopU
via nmkadda