.webp)
Advertisement
Recruitment: कोल्हापुरच्या शिवाजी विद्यापीठात विविध पदांच्या भरतीसाठी अर्ज मागविण्यात येत आहेत. अधिकृत वेबसाइटवरील करिअर सेक्शनमध्ये याची सविस्तर माहिती देण्यात आली आहे. तसेच यामध्ये प्रोफेसर पदांच्या भरतीचा तपशीलही देण्यात आला आहे. या भरतीअंतर्गत प्रोफेसर पदाच्या जागा भरण्यात येणार आहेत. यासाठी लागणारी शैक्षणिक आर्हता, अनुभव, वयोमर्यादा, पगार यांचा तपशील नोटिफिकेशनमध्ये देण्यात आला आहे. शिवाजी विद्यापीठातर्फे जाहीर करण्यात आलेल्या या पदभरतीमध्ये प्रोफेसर ऑफ बॅंक ऑफ इंडिया चेअर आणि प्रोफेसर ऑफ भगवान महावीर चेअर या पदांवरील रिक्त जागा भरण्यात येणार आहेत. या दोन्ही पदांसाठी ६५ वर्षे इतकी वयोमर्यादा देण्यात आली आहे. ही भरती कंत्राटी पद्धतीने ३ वर्षांच्या कालावधीसाठी केली जाणार आहे. शैक्षणिक आर्हता प्रोफेसर ऑफ बॅंक ऑफ इंडिया चेअर पदासाठी एम इन इकोनॉमिक्स/ एमकॉम/एमबीए (फायनान्स) आणि पीएचडी ही शैक्षणिक आर्हता असणे गरजेचे आहे. तर प्रोफेसर ऑफ भगवान महावीर चेअर पदासाठी एमए इन सोशल सायन्स आणि पीएचडी इन इकोनॉमिक्स/हिस्टरी/सोशओलॉजी/पॉलिटीकल सायन्स/फिलोसॉपी/सायकोलॉजी/संस्कृत यापैकी पदवी असणे गरजेचे आहे. उमेदवारांने नोटिफिकेशनमध्ये दिलेल्या मार्गानेच अर्ज प्रक्रिया पूर्ण करायची आहे. पदभरती वाढविण्याचा किंवा रद्द करण्याचा अधिकार विद्यापीठाकडे राखीव आहे. उमेदवारांनी आपला अर्ज रजिस्टार, , विद्यानगर, कोल्हापूर- ४१६००४ या पत्त्यावर पाठवायचा आहे. यासाठी उमेदवारांनी १० ऑक्टोबरपर्यंत ऑनलाइन अर्ज पाठवायचा आहे. तर अर्जाची प्रत १६ ऑक्टोबरपर्यंत विद्यापीठाच्या कार्यालयात पाठवायची आहे. यानंतर आलेल्या अर्जाचा विचार केला जाणार नाही. अर्जाचा नमुना विद्यापीठाच्या अधिकृत वेबसाइटवर पाहायला मिळेल. त्याची प्रिंट काढून अर्ज भरता येईल. सोबत ३०० रुपये अर्ज शुल्क भरावे लागेल. ऑनलाइन अर्ज भरल्याची प्रत अर्जासोबत जोडली नसेल तर अर्जाचा विचार केला जाणार नाही. अर्जासोबत ऑनलाइन भरलेल्या अर्जाची प्रिंट, अटेस्टेड कॉपी आणि महत्वाची कागदपत्रे पाठवायची आहेत.
from Career News in Marathi: Career News, मराठी Career बातम्या | Maharashtra Times https://ift.tt/3tVcLj3
via nmkadda
