.webp)
Advertisement
Main Result 2021: जेईई-मेन इंजिनीअरिंग प्रवेश परीक्षेचा निकाल मंगळवारी रात्री जाहीर झाला. ज्यामध्ये एकूण ४४ उमेदवारांना शंभर टक्के गुण मिळाले. तर १८ उमेदवारांना टॉप रँक मिळाले. शिक्षण मंत्रालयाच्या अधिकाऱ्यांनी मंगळवारी रात्री ही माहिती दिली. या वर्षापासून, संयुक्त प्रवेश परीक्षा (जेईई) -मेन वर्षात चार वेळा आयोजित केली जात आहे. यामुळे विद्यार्थ्यांना त्यांचे गुण सुधारण्याची संधी मिळत आहे. याचा पहिला टप्पा फेब्रुवारी आणि दुसरा मार्चमध्ये झाला. त्यापुढील टप्प्यातील परीक्षा एप्रिल आणि मेमध्ये होणार होत्या पण देशातील करोना साथीच्या दुसऱ्या लाटेच्या पार्श्वभूमीवर पुढे ढकलण्यात आल्या. तिसरा टप्पा २० ते २५ जुलै दरम्यान तर चौथा टप्पा २६ ऑगस्ट ते २ सप्टेंबर दरम्यान घेण्यात आला. JEE Main Result 2021: असा पाहा निकाल इंजीनियरिंग प्रवेश परीक्षत सहभागी झालेल्या उमेदवारांनी आपला निकाल पाहण्यासाठी अधिकृत पोर्टलला भेट द्या. होमपेजवर उपलब्ध केल्या जाणाऱ्या लिंकवर क्लिक करा. नव्या पेजवर उमेदवारांना आपले लॉगइन डिटेल्स भरून सबमिट करा. आपला जेईई मेन २०२१ स्कोअर उमेदवारांना पाहता येईल. कॅटेगरी आणि ओव्हरऑल रँकदेखील पाहता येणार आहे. जेईई अॅडव्हान्स जेईई अॅडव्हान्स २०२१ परीक्षेच्या माध्यमातून देशभरातील २३ इंडियन टेक्नोलॉजी इन्स्टिट्यूट(IITs) मध्ये, बॅचलर ऑफ टेक्नॉलॉजी (BTech), बॅचलर ऑफ सायन्स (BS), ड्युअल डिग्री बीटेक एमटेक, इंटीग्रेटेड एमटेक, इंटिग्रेटेड एमएससी कोर्सच्या प्रवेशासाठी उमेदवारांची निवड केली जाते. आयआयटी खरगपूरद्वारे ज्वाइंट एडमिशन बोर्ड २०२१ (JAB)च्या निर्देशांनुसार ३ ऑक्टोबर २०२१ ला परीक्षेचे आयोजन केले जाणार आहे.
from Career News in Marathi: Career News, मराठी Career बातम्या | Maharashtra Times https://ift.tt/3loMUvR
via nmkadda
