Deoxa Indonesian Channels
Best Viral news Website

Label

lisensi

Advertisement

Advertisement
बुधवार, १५ सप्टेंबर, २०२१, सप्टेंबर १५, २०२१ WIB
Last Updated 2021-09-15T12:43:17Z
मराठी Career बातम्या | Maharashtra Times C2KCareer News in Marathi: Career NewsIFTTTjobmarathimajhinaukrimajhinewsnmkadda

आरटीई प्रवेशांत यंदा मोठी घट; २६ हजारांहून अधिक जागा रिक्त Rojgar News

Advertisement
म. टा. प्रतिनिधी, पुणे शिक्षण हक्क कायद्याअंतर्गत (RTE) देण्यात येणाऱ्या प्रवेशांमध्ये यंदा मोठी घट झाली आहे. राज्यात अद्याप २६ हजारांहून अधिक जागा रिक्त राहिल्या आहेत. राज्यात प्रवेशासाठी असलेल्या ९६ हजार ६८४ जागांपैकी केवळ ६५ हजार ८७६ प्रवेश झाले आहेत. आरटीई प्रवेशांची () मुदत संपत आली असून, अद्यापही उर्वरित प्रवेश का होत नाहीत, असा प्रश्न उपस्थित झाला आहे. 'आरटीई'च्या प्रवेशांची सोडत जाहीर झाल्याला आता सुमारे दोन महिन्यांचा काळ उलटून गेला आहे. राज्यामध्ये प्रतीक्षा यादीतील विद्यार्थ्यांचेही प्रवेश जवळपास पूर्ण झाले आहेत; मात्र तरीही अजून २६ हजारांपेक्षा अधिक जागा रिक्त राहिल्या असल्याने प्रक्रियेबद्दल अनेक शंका निर्माण झाल्या आहेत. 'आरटीई'च्या प्रवेशांसाठी २०२० या शैक्षणिक वर्षामध्ये एक लाख १५ हजार जागा होत्या. त्यात घट होऊन २०२१ मध्ये या जागा ९६ हजारांवर आल्या. यापैकी ८२ हजार जागांसाठी सोडत काढण्यात आली असून, आता प्रवेशप्रक्रिया संपत आली असली, तरी प्रवेश झाले नसल्याचे चित्र आहे. जागा उपलब्ध असताना आणि प्रतीक्षा यादीतील विद्यार्थी रांगेत असतानाही प्रवेश का होत नाहीत, असा प्रश्न आता उपस्थित होत आहे. 'आरटीई'च्या प्रवेशांना यंदाही काही ठिकाणी गालबोट लागले आहे. अनेक गटशिक्षणाधिकारी व प्रशासकीय अधिकारी आरटीई प्रवेशांसाठी पैशांची मागणी करीत असल्याचे आढळून येत आहे. कागदपत्रांची पूर्तता करण्यासाठी किंवा कागदपत्रे असली, तरी पैशांसाठी प्रवेश नाकारण्याची प्रकरणे वाढत चालली आहेत. अधिकाऱ्यांच्या अशा व्यवहारांमुळे 'आरटीई'चे प्रवेश रखडले आहेत का, असाही प्रश्न विचारला जात आहे. आणखी २० दिवस प्रवेश प्रक्रिया 'आरटीई'साठी आणखी २० ते २५ दिवस प्रवेशप्रक्रिया सुरू राहणार आहे, अशी माहिती प्राथमिक शिक्षण संचालनालयाकडून सांगण्यात आली आहे. अधिकाधिक विद्यार्थ्यांचे प्रवेश व्हावेत, या उद्देशाने प्रवेशप्रक्रिया आणखी काही का‌ळ सुरू ठेवण्यात येणार असल्याचे स्पष्ट करण्यात आले.


from Career News in Marathi: Career News, मराठी Career बातम्या | Maharashtra Times https://ift.tt/3ltNGYy
via nmkadda