Advertisement
Delhi : विद्यार्थ्यांची सुरक्षा ही प्राथमिक लक्षात घेऊन टप्प्याटप्प्याने उघडले जाईल अशी माहिती विद्यापीठाचे कार्यवाहक कुलगुरू पी.सी. जोशी यांनी दिली. दिल्लीतील करोना परिस्थितीत लक्षणीय सुधारणा झाल्यावर, दिल्ली सरकारने गेल्या शुक्रवारी नववी ते बारावीच्या शाळा, महाविद्यालये आणि कोचिंग संस्था १ सप्टेंबरपासून पुन्हा सुरू होतील अशी घोषणा केली. विद्यापीठ अधिकाऱ्याच्या म्हणण्यानुसार, बुधवारी वरिष्ठ अधिकाऱ्यांची बैठक झाली आणि पुढील आठवड्यापासून विद्यापीठ सुरू होऊ शकते. विद्यापीठाची स्थिती आणि विद्यापीठ पुन्हा सुरू करण्याबाबत चर्चा करण्यासाठी प्राचार्य, डीन आणि विभाग प्रमुखांसोबत बैठक होणार आहे. 'आमचे विद्यार्थी देशभरात आहेत आणि आम्ही त्यांच्यासाठी भीतीदायक स्थिती निर्माण करू इच्छित नाही. कोणत्याही विद्यार्थ्याला धोका पत्करावा लागू नये किंवा त्याची गैरसोय होऊ नये यासाठी चर्चेनंतर आम्ही शिस्तबद्ध पद्धतीने कॅम्पस उघडू' असे जोशी म्हणाले. 'आम्ही सुरुवातील काही विद्यार्थ्यांना बोलवू नंतर परिस्थिती पाहून अधिक आत्मविश्वास मिळेल तेव्हा अधिक विद्यार्थ्यांसाठी विद्यापीठ खुले करू', असे ते म्हणाले. जोशी यांनी विद्यार्थ्यांच्या सुरक्षेला आपले प्राधान्य असल्याचे सांगितले. ते म्हणाले की, 'पीएचडी आणि एमफिलचे विद्यार्थी कॅम्पसमध्ये येत आहेत आणि संशोधन नियंत्रित पद्धतीने केले जात आहे. आता हळूहळू आणि स्थिरतेने परिस्थिती लक्षात घेता ते सोपे होईल.' ऑगस्टच्या पहिल्या आठवड्यात दिल्ली विद्यापीठाने अधिकृत नोटिफिकेशन जाहीर केले होते. त्यानुसार कोरोना केसेसमध्ये घट झाल्यामुळे विज्ञान शाखेच्या विद्यार्थ्यांसाठी ऑफलाइन वर्ग आयोजित केले जातील. पण त्यानंतर शिक्षकांच्या एका वर्गाने विद्यार्थ्यांना बोलावण्याच्या निर्णयावर नाराजी व्यक्त केली. त्यानंतर विद्यापीठाने आपला निर्णय पुढे ढकलला होता. दिल्ली आपत्ती व्यवस्थापन प्राधिकरणाने कॅम्पस पुन्हा सुरू करण्याबाबत कोणतीही मार्गदर्शक तत्त्वे जाहीर केलेली नाहीत म्हणून आम्हाला नोटिफिकेशन मागे घ्यावे लागले असे डीयूचे रजिस्टार विकास गुप्ता यांनी स्पष्टीकरण दिले. आता आपत्ती व्यवस्थापन विभागाकडून मार्गदर्शक तत्त्वे आली आहेत आणि आम्ही त्यांचे पालन करत आम्ही ऑनलाइन वर्ग देखील सुरू ठेवू असे विकास गुप्ता म्हणाले.
from Career News in Marathi: Career News, मराठी Career बातम्या | Maharashtra Times https://ift.tt/3jClcMz
via nmkadda