.webp)
Advertisement
CA December 2021: फाऊंडेशन, इंटरमीडिएट आणि फायनल कोर्सेससाठी सीए डिसेंबर २०२१ परीक्षांची तयारी करणाऱ्या विद्यार्थ्यांसाठी महत्त्वाची माहिती आहे. ३० सप्टेंबर २०२१ या अभ्यासक्रमांच्या डिसेंबर २०२१ परीक्षेसाठी नोंदणीचा शेवटचा दिवस आहे. इन्स्टिट्यूट ऑफ चार्टर्ड अकाउंटंट्स ऑफ इंडिया (ICAI) डिसेंबर २०२१ च्या सीए परीक्षांसाठी अर्ज भरण्याची अर्ज विंडो बंद करण्यात येईल. ज्या विद्यार्थ्यांनी आतापर्यंत परीक्षा फॉर्म भरला असेल ते CA परीक्षा पोर्टल icaiexam.icai.org वर जाऊन अर्ज करू शकतात. असे असले तरीही विद्यार्थ्यांनी ६०० रुपयांच्या विलंब शुल्कासह ३ ऑक्टोबरपर्यंत नोंदणी करता येऊ शकेल. नोंदणी प्रक्रिया आणि फी सीए डिसेंबर २०२१ च्या परीक्षेला बसू इच्छिणारे विद्यार्थी अधिकृत वेबसाइट icaiexam.icai.org वर जाऊन ऑनलाइन अर्ज करू शकतात. बातमीखाली याची थेट लिंक देण्यात आली आहे. अर्ज करताना उमेदवारांना आयसीएआयने अंतिम (जुने आणि नवीन), इंटरमीडिएट (आयपीसीसी), इंटरमीडिएट आणि फाउंडेशन अभ्यासक्रमांच्या परीक्षांसाठी शुल्क भरावे लागेल. भारतीय विद्यार्थ्यांसाठी परीक्षा शुल्क १५०० ते २७०० रुपयांपर्यंत आहे. उमेदवार ऑनलाइन पद्धतीने फी भरू शकतील. आयसीएआयने करोना साथीच्या काळात आपले पालक गमावलेल्या विद्यार्थ्यांना सीए फायनल, इंटरमीडिएट आणि फाउंडेशन परीक्षांसाठी नोंदणी शुल्क माफ करण्याची घोषणा करण्यात आली आहे. या संदर्भात, ICAI ने १५ सप्टेंबर २०२१ रोजी एक नोटीस जाहीर केली. त्यानुसार ही योजना १ एप्रिल २०२० ते ३१ मार्च २०२३ दरम्यान केलेल्या नोंदणीवर लागू होणार आहे. सीए डिसेंबर २०२१ परीक्षांव्यतिरिक्त, पोस्ट पात्रता कोर्स अर्थात विमा आणि जोखीम व्यवस्थापन(IRM) तांत्रिक परीक्षा, आंतरराष्ट्रीय व्यापार कायदा आणि जागतिक व्यापार संघटना (ITL & WTO) भाग १ आणि आंतरराष्ट्रीय कर - मूल्यांकन परीक्षा १६ सप्टेंबरपासून ३० सप्टेंबर २०२१ पर्यंत घेतली जात आहे. इन्स्टिट्यूट ऑफ चार्टर्ड अकाउंटन्टस् ऑफ इंडिया अर्थात आयसीएआय ( , )ने डिसेंबर २०२१ मध्ये होणाऱ्या सीए फाउंडेशन, इंटरमिडिएट आणि फायनल परीक्षांचे वेळापत्रक जारी केले आहे. या वेळापत्रकानुसार, १३, १५, १७ आणि १९ डिसेंबर रोजी फाउंडेशन परीक्षा होणार आहेत. फाउंडेशन परीक्षा नव्या स्कीमनुसार होणार आहेत. इंटरमिडिएट परीक्षा जुन्या आणि नव्या अभ्यासक्रमानुसार होणार असून या परीक्षांना ६ डिसेंबरपासून सुरुवात होईल. जुन्या आणि नव्या अभ्यासक्रमाच्या अंतिम परीक्षा ५ ते १९ डिसेंबर २०२१ या कालावधीत होतील. जे उमेदवार या परीक्षा देणार आहेत, त्यांना संपूर्ण वेळापत्रक आयसीएआयच्या अधिकृत संकेतस्थळावर icaiexam.icai.org येथे पाहता येईल. इन्शुरन्स रिस्क मॅनेजमेंट (IRM)परीक्षांच्या १ ते ४ मोड्युल्सची परीक्षा ५, ७, ९ आणि ११ डिसेंबर रोजी होईल. इंटरनॅशनल ट्रेड लॉ आणि वर्ल्ड ट्रेड ऑर्गनायझेशन पार्ट १ परीक्षा ५ ते ११ या कालावधीत होतील. सर्व परीक्षा दोन सत्रात होतील. पेपर १ व २, दुपारी २ ते सायंकाळी ५ आणि पेपर ३ आणि ४ दुपारी २ ते ४ या वेळेत होतील.
from Career News in Marathi: Career News, मराठी Career बातम्या | Maharashtra Times https://ift.tt/3kSuvsg
via nmkadda
