पालिकेच्या शाळांतील शिक्षणाचा दर्जा वाढविण्यासाठी कॅंब्रिज विद्यापीठासोबत करार Rojgar News

पालिकेच्या शाळांतील शिक्षणाचा दर्जा वाढविण्यासाठी कॅंब्रिज विद्यापीठासोबत करार Rojgar News

Agreement with Cambridge: मुंबईमध्ये आंतरराष्ट्रीय बोर्डाचा अभ्यासक्रम सुरू करण्यासाठी मुंबई महानगरपालिका आणि कॅंब्रिज विद्यापीठादरम्यान करार झाला आहे. याअंतर्गत भविष्यात राज्य शासनामार्फत राज्यातील विद्यार्थ्यांना आंतरराष्ट्रीय दर्जाचे शिक्षण मिळावे यासाठी प्रयत्न केले जाणार आहेत. मुंबई उपनगर जिल्ह्याचे पालकमंत्री आदित्य ठाकरे यांनी यासंदर्भात माहिती दिली. देशात आणि जगात जे सर्वोत्तम असेल त्या पद्धतीचे शिक्षण मुंबईतील विद्यार्थ्यांना मोफत उपलब्ध करून देण्याचा मुंबई महानगरपालिकेचा प्रयत्न असल्याचे ते म्हणाले. मुंबई महानगरपालिकेच्या पब्लिक स्कुलमध्ये आंतरराष्ट्रीय बोर्डाचा शैक्षणिक अभ्यासक्रम सुरू करण्यासाठी कॅंब्रिज विद्यापीठासोबत करार करण्यात आला. या कार्यक्रमानंतर आदित्य ठाकरे बोलत होते. मुंबई पब्लिक स्कुलमध्ये यापूर्वीच सीबीएसई आणि आयसीएसई बोर्डाचे मोफत अभ्यासक्रम सुरू झाले आहेत. आता आंतरराष्ट्रीय बोर्डाचा अभ्यासक्रमही सुरू करण्यात येणार असल्याचे आदित्य ठाकरे यावेळी म्हणाले. महापालिका आपल्या शाळांमध्ये शालेय अभ्यासक्रमाबरोबरच विद्यार्थ्यांच्या सर्वांगीण विकासासाठी खेळांसारख्या इतर उपक्रमांनाही प्रोत्साहन देत आहे. शाळांच्या इमारती आणि पायाभूत सुविधा अद्ययावत करण्यावरही महापालिकेचा भर असल्याचे ते म्हणाले. विद्यार्थ्यांना शिक्षणाबरोबरच सहसाहित्यही मोफत पुरविण्यात येत आहे. या शाळांमधील दर्जेदार शिक्षणामुळे चालू शैक्षणिक वर्षात चार हजार विद्यार्थी संख्येसाठी दहा हजारांहून अधिक अर्ज प्राप्त झाल्याने लॉटरी पद्धत अनुसरावी लागली हे या शाळांचे यश असल्याचे त्यांनी सांगितले. केंब्रिज हे जगातील दर्जेदार शिक्षणाचे माध्यम असल्याने त्यांच्या माध्यमातून मुंबईतील विद्यार्थ्यांना शिक्षणाचा उत्तम पर्याय उपलब्ध होईल, अशी अपेक्षा आदित्य ठाकरे यांनी व्यक्त केली. पुढील शैक्षणिक वर्षात हा अभ्यासक्रम सुरू करण्याचा प्रयत्न असल्याचे त्यांनी सांगितले.


from Career News in Marathi: Career News, मराठी Career बातम्या | Maharashtra Times https://ift.tt/3jT28Kd
via nmkadda

0 Response to "पालिकेच्या शाळांतील शिक्षणाचा दर्जा वाढविण्यासाठी कॅंब्रिज विद्यापीठासोबत करार Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel