.webp)
Advertisement
Schools reopen: देशाची राजधानी दिल्लीमध्ये आजपासून शाळा पुन्हा सुरू झाल्या आहेत. इयत्ता नववी ते बारावीसाठी शाळा उघडण्यात आल्या आहेत. कोणत्याही विद्यार्थ्याला वर्गात जाण्यास सक्ती केली जाणार नाही हे दिल्ली सरकारने स्पष्ट केल्यामुळे शाळांनी वेट अॅण्ड वॉचची भूमिका घेतली आहे. दरम्यान दिल्लीतील एका शाळेतील दहावीची विद्यार्थिनी कुमकुम म्हणते, 'भीतीची भावना आहे यात शंका नाही पण शेवटी आपल्याला अभ्यास करायचा आहे आणि परीक्षेला बसावे लागेल.' जिथे भीतीचे वातावरण कमी आहे तिथे पुन्हा शाळेत येण्यासाठी विद्यार्थी उत्साही आहेत. बरेच विद्यार्थी आपल्या मित्रांना भेटण्यास उत्सुक आहेत. अनेक विद्यार्थ्यांनी ऑनलाइन वर्गांवर चिंता व्यक्त केली आहे. पश्चिम विनोद नगरमधील सर्वोदय कन्या विद्यालयाचे बारावीचे विद्यार्थी म्हणतात, 'ऑनलाइन वर्गांपेक्षा ऑफलाइन वर्गात जाणे छान वाटते. आम्ही सर्व मित्र या दिवसाची वाट पाहत आहोत.' दिल्ली सरकारने शाळा पुन्हा सुरू करण्याची परवानगी दिली असल्याने दिल्लीतील अनेक खासगी शाळांनी किमान एक आठवडा हा निर्णय पुढे ढकलण्याचा निर्णय घेतला आहे. पालकांची संमती हे यामागचे प्राथमिक कारण आहे. दिल्ली सरकारच्या घोषणेनंतर अनेक शाळांनी पालकांना संमती पत्र पाठवले. काही शाळांना पालकांकडून याचे उत्तर मिळाले आहे तर काहींना अजूनही प्रतीक्षा आहे. १४ निर्देशांचे पालन करावे लागणार १)शाळेत येणारे सर्व शिक्षक आणि कर्मचाऱ्यांचे लसीकरण पूर्ण होणे गरजेचे आहे. नसतील तर त्याला प्राधान्य द्यावे लागेल. याची शाळेच्या मुख्याध्यापकांनी खात्री करावी २)वर्ग खोलीतील आसन क्षमतेच्या जास्तीत जास्त ५० टक्के मुले एकावेळी वर्गात उपस्थित राहतील. ३) प्रत्येक वर्गात सोशल डिस्टन्सिंगसाठी वेगवेगळा फॉर्म्युला असेल. ४)सकाळ आणि संध्याकाळच्या शिफ्ट शाळा सुरु राहतील. दोन शिफ्टमध्ये किमान एक तासाचे अंतर असेल. ५)मुलांना त्यांचा डबा, पुस्तके आणि इतर स्टेशनरी वस्तू एकमेकांशी शेअर करू नका असे सांगण्यात आले आहे. ६) एका वेळी खूप गर्दी जमा होऊ नये म्हणून जेवणाची सुट्टी या वेगळ्या वेळी खुल्या भागात ठेवण्याचा सल्ला दिला गेलाय. ७) एक आसन वगळून दुसरे अशी आसन व्यवस्था करायला हवी ८)मुलांना शाळेत जाण्यासाठी पालकांची परवानगी आवश्यक आहे. जर पालकांना आपल्या मुलाला शाळेत पाठवायचे नसेल तर त्याला तसे करण्यास भाग पाडले जाणार नाही. ९)कंटेनमेंट झोनमध्ये राहणारे शिक्षक, कर्मचारी किंवा विद्यार्थ्यांना शाळेत येऊ दिले जाणार नाही. १०)शाळेच्या आवारात अलगीकरणाची खोली तयार करणे बंधनकारक आहे, आवश्यक असल्यास कोणत्याही मुलाला किंवा कर्मचाऱ्यांना तिथे ठेवता येईल. ११) शाळेचा कॉमन एरिआ नियमितपणे स्वच्छ केला जावा. स्वच्छतागृहांमध्ये साबण आणि पाणी मुबलक असावे. तसेच शाळेच्या परिसरात थर्मल स्कॅनर, सॅनिटायझर आणि मास्क इत्यादी उपलब्ध असावे. १२)एंट्री गेटवर थर्मल स्कॅनर अनिवार्य असेल. मुलांसोबत कर्मचाऱ्यांसाठीही मास्क आवश्यक असतील. याशिवाय, गेटवरच मुलांचे हात स्वच्छ केले जातील. १३)शाळा प्रमुखांना SMC सदस्यांसह बैठक आयोजित करण्यास सांगितले गेले आहे. कोविड प्रोटोकॉल योजना आणि थर्मल स्कॅनर, साबण आणि सॅनिटायझर इ. उपलब्ध करुन देण्यास सांगितले आहे. १४)ज्या शाळांमध्ये लसीकरण आणि रेशन वितरणाचे काम सुरू आहे, तो भाग शाळेतील शैक्षणिक उपक्रमाच्या ठिकाणापासून वेगळा ठेवला जाईल. यासाठी स्वतंत्र एंट्री-एक्झिट पॉइंट बनवले जातील आणि सिविल डिफेन्स स्टाफ तैनात केले जातील.
from Career News in Marathi: Career News, मराठी Career बातम्या | Maharashtra Times https://ift.tt/3taSxkT
via nmkadda
