Deoxa Indonesian Channels
Best Viral news Website

Label

lisensi

Advertisement

Advertisement
सोमवार, २७ सप्टेंबर, २०२१, सप्टेंबर २७, २०२१ WIB
Last Updated 2021-09-27T07:43:49Z
मराठी Career बातम्या | Maharashtra Times C2KCareer News in Marathi: Career NewsIFTTTjobmarathimajhinaukrimajhinewsnmkadda

'सीप्झ' देणार ५ लाख नोकऱ्या! २०० कोटी रुपयांचे नूतनीकरण Rojgar News

Advertisement
म. टा. प्रतिनिधी सांताक्रुझ : येथील 'सीप्झ' विशेष आर्थिक क्षेत्रात पाच लाख नोकऱ्यांची निर्मिती करण्याच्या दृष्टीने तयारी सुरू झाली आहे. या क्षेत्राचे नूतनीकरण होत असून केंद्रीय वाणिज्य मंत्री पीयूष गोयल यासाठी प्रयत्न करत आहेत. देशातील पहिले विशेष आर्थिक व निर्यात क्षेत्र असलेल्या सांताक्रूझ इलेक्ट्रॉनिक्स एक्स्पोर्ट प्रोसेसिंग झोनमधील (Santacruz Electronics Export Processing Zone, ) पायाभूत सुविधा १९७३मधील आहेत. या सुविधा आता जुन्या झाल्या आहेत. त्याचवेळी निर्यात क्षेत्र झपाट्याने बदलत आहे. त्यामुळेच 'सीप्झ' या विशेष आर्थिक क्षेत्राचा कायापालट अत्यावश्यक आहे. त्या पार्श्वभूमीवर, केंद्रीय वाणिज्य मंत्रालयाने तयारी सुरू केली असून त्याअंतर्गतच 'सीप्झ'चे नूतनीकरण केले जात आहे. सीप्झ-सेझमधून (विशेष आर्थिक क्षेत्र) ३०० कोटी डॉलर्सची निर्यात अपेक्षित आहे. परंतु हा आकडा गाठण्यासाठी सध्याच्या ५० ते ६० हजार रोजगाराऐवजी पाच लाख रोजगारांची निर्मिती अत्यावश्यक असेल. त्यादृष्टीने 'सीप्झ'ला विकसित करण्यासाठी केंद्रीय वाणिज्य मंत्रालयाने तयारी सुरू केली आहे. पाच लाख नोकऱ्या सामावून घेण्यासाठी आधुनिक यंत्रसामग्रीची गुंतवणूक येथे येत्या काळात होणार आहे. २०० कोटी रुपयांचे हे नूतनीकरण होणार आहे. 'सीप्झ'मधून ८०० कोटी डॉलरच्या कृत्रिम दागिन्यांची ई-कॉमर्स मंचावर विनासायास विक्री करण्याची परवानगीदेखील वाणिज्य मंत्रालयाकडून देण्यात आली आहे. प्रदर्शन केंद्र विचाराधीन नवी दिल्लीतील प्रगती मैदान हे आंतरराष्ट्रीय प्रदर्शनाचे सर्वोत्तम केंद्र आहे. त्याच धर्तीवर 'सीप्झ'मध्येही उभारणी करता येईल, याचा केंद्रीय वाणिज्य मंत्रालय स्तरावर विचार सुरू आहे. भारतीय व्यापार प्रोत्साहन संस्था अर्थात 'आयटीपीओ'तर्फे 'सीप्झ'मध्ये ३० हजार चौरस फुटांचे प्रदर्शन केंद्र उभारले जाण्याची शक्यता आहे. त्या दृष्टीने तयारी सुरू झाली आहे.


from Career News in Marathi: Career News, मराठी Career बातम्या | Maharashtra Times https://ift.tt/3obzCG0
via nmkadda