सावित्रीबाई फुले विद्यापीठात विविध पदांची भरती, थेट मुलाखतीतून होणार निवड Rojgar News

सावित्रीबाई फुले विद्यापीठात विविध पदांची भरती, थेट मुलाखतीतून होणार निवड Rojgar News

Recruitment: पुण्यातील सावित्रीबाई फुले विद्यापीठाअंतर्गत विविध पदांची भरती केली जाणार आहे. यासाठी रिक्त जागा, पदासाठी लागणारी शैक्षणिक पात्रता, वयोमर्यादा, अनुभव यांचा सविस्तर तपशील नोटिफिकेशनमध्ये देण्यात आला आहे. उमेदवारांची निवड थेट मुलाखतीतून होणार आहे. सावित्रीबाई फुले विद्यापीठात तंत्रज्ञान विभागाच्या प्रशासकीय विभागात विविध पदांच्या एकूण ५ जागा भरण्यात येणार आहेत. संशोधन सल्लागार (Reaserch Advisor), तंत्रज्ञान सल्लागार (Technical Advisor), प्रकल्प सहाय्यक (Project Assistant), कार्यालय सहाय्यक (Office Helper), कारकून (Peon) पदांवर प्रत्येकी एक जागा भरली जाणार आहे. ५ जागांपैकी कोणतीही जागा आरक्षित नाही. पदाचा कालावधी १ वर्षाचा असणार आहे. पदाची गरज ओळखून भविष्यात वाढवला जाऊ शकतो. संशोधन सल्लागार (Reaserch Advisor) पदासाठी उमेदवाराकडे इंजिनीअरिंग/ टेक्नोलॉजी/ सायन्समध्ये डॉक्टरेट असणे गरजेचे आहे. तसेच रिसर्च आणि शिकविण्याचा दहा वर्षांचा अनुभव असणे गरजेचे आहे. या पदासाठी पात्र उमेदवारांना ६० हजार रुपये दरमहा पगार मिळणार आहे. तंत्रज्ञान सल्लागार (Technical Advisor)पदासाठी उमेदवाराकडे इंजिनीअरिंग/ टेक्नोलॉजी/ सायन्समध्ये पोस्ट ग्रॅज्युएशन असणे गरजेचे आहे. इंडस्ट्री/टिचिंग क्षेत्रातील १२ वर्षांचा अनुभव असणे गरजेचे आहे. या पदासाठी पात्र उमेदवारांना ६० हजार रुपये दरमहा पगार दिला जाईल. प्रकल्प सहाय्यक (Project Assistant)पदासाठी उमेदवाराकडे इंजिनीअरिंग/ टेक्नोलॉजी/ सायन्समध्ये पोस्ट ग्रॅज्युएशन असणे गरजेचे आहे. तसेच प्रशासकीय विभागाचा ३ वर्षांचा अनुभव असणे गरजेचे आहे. या पदासाठी पात्र उमेदवारांना ३० हजार रुपये दरमहा पगार दिला जाईल. कार्यालय सहाय्यक (Office Helper)पदासाठी प्राथमिक शिक्षण पूर्ण असावे आणि इंग्रजी भाषेचे पूर्ण ज्ञान असणे गरजेचे आहे. या पदासाठी पात्र उमेदवारास १० हजार रुपये पगार देण्यात येईल. कारकून (Peon)पदासाठी उमेदवाराचे प्राथमिक शिक्षण पूर्ण असणे गरजेचे आहे. या पदासाठी पात्र उमेदवारास १० हजार रुपये पगार देण्यात येणार आहे. इच्छुक आणि पात्र उमेदवारांनी दिनांक ११ ऑक्टोबर २०२१ रोजी सकाळी ११ वाजता तंत्रज्ञान विभाग, सावित्रीबाई फुले पुणे विद्यापीठ, पुणे, पिनकोड- ४११००७ या पत्त्यावर स्वखर्चाने उपस्थित राहणे गरजेचे आहे. उमेदवारांनी येताना रेझ्युमेसोबत शैक्षणिक आणि भरतीसाठी आवश्यक कागदपत्रे सोबत आणायची आहेत.


from Career News in Marathi: Career News, मराठी Career बातम्या | Maharashtra Times https://ift.tt/3zWlBOX
via nmkadda

0 Response to "सावित्रीबाई फुले विद्यापीठात विविध पदांची भरती, थेट मुलाखतीतून होणार निवड Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel