Advertisement
IGNOU Recruitment 2021: इंदिरा गांधी राष्ट्रीय मुक्त विद्यापीठाच्या प्रशासकीय विभागात विविध पदांची भरती केली जाणार आहे. या पदभरतीसाठी इग्नूतर्फे नोटिफिकेशन जाहीर करण्यात आले आहे. पदासाठी लागणारी शैक्षणिक आर्हता, कामाचे स्वरुप, वयोमर्यादा, अनुभव, पगार याचा तपशील देण्यात आला आहे. इच्छुक आणि पात्र उमेदवारांकडून ऑनलाइन माध्यमातून अर्ज मागविण्यात आले आहेत. वयोमर्यादा नॉन टिचिंग स्टाफ, टेक्निकल असिस्टंट लेव्हल-८ हे पद भरले जाणार आहे. यासाठी ३७ वर्षे इतकी वयोमर्यादा असणार आहे. टेक्निकल मॅनेजर लेव्हल-१० साठी ४२ वर्षे वयोमर्यादा आहे. आरक्षित वर्गातील उमेदवारांना सरकारी नियमानुसार सवलत देण्यात येईल. शेक्षणिक आर्हता यासाठी उमेदवाराने मान्यताप्राप्त विद्यापीठातून एमसीए/बीए/बीटेक/बीई/एमएससी इन कॉम्प्युटर सायन्स/आयटी यापैकी पदवीमध्ये ५५ टक्के गुण असणे गरजेचे आहे. उमेदवाराकडे इंडस्ट्री/पीएसयू/जीओआय प्रोजेक्ट्स/ प्रायव्हेट सेक्टर कंपनी/ ODL युनिव्हर्सिटी सिस्टिम इन नेटवर्क क्लाऊट सर्व्हीस/ सॉफ्टवेअर अॅप्लीकेशन डेव्हलपमेंट/ डेटाबेस मॅनेजमेंट याचा ३ वर्षांचा अनुभव असणे गरजेचे आहे. टेक्निकल मॅनेजर पदासाठी मान्यताप्राप्त विद्यापीठातूनन एमसीए/बीटेक,बीई/ एमएसई इन कॉम्प्युटर सायन्स/आयटी/बीएससी/बीए किंमान ५५ टक्क्यांसह पूर्ण असणे गरजेचे आहे. तसेच पीएसयू/ जीओआय प्रोजेक्ट/प्रायव्हेट सेक्टर कंपनी/ ODL युनिव्हर्सिटी सिस्टिममध्ये किमान ४ वर्षे काम केल्याचा अनुभव असणे गरजेचे आहे. शेवटची तारीख अर्ज करण्यासाठी उमेदवारांनी इग्नुची अधिकृत वेबसाइट www.ignou.ac.in ला भेट देऊन ऑनलाइन फॉर्म भरणे गरजेचे आहे. २० सप्टेंबर २०२१ पासून ऑनलाइन लिंक सक्रीय करण्यात आली आहे. उमेदवार १९ ऑक्टोबर २०२१ ला रात्री ११.५९ मिनिटांपर्यंत अर्ज करु शकतात.
from Career News in Marathi: Career News, मराठी Career बातम्या | Maharashtra Times https://ift.tt/3lU5KLC
via nmkadda