.webp)
Advertisement
Recruitment 2021: मुंबईतील आंतरराष्ट्रीय लोकसंख्या विज्ञान संस्थेच्या आस्थापनेवर विविध पदांची भरती होत आहे. याअंतर्गत रिसर्च ऑफिरस आणि सिनिअर रिसर्च ऑफिसर पदांच्या जागा भरल्या जाणार आहे. यासाठी उमेदवारांकडून ऑनलाइन माध्यमातून अर्ज मागविण्यात आले आहेत. आंतरराष्ट्रीय लोकसंख्या विज्ञान संस्थेत रिसर्च ऑफिसरआणि सिनिअर रिसर्च ऑफिसर पदाची प्रत्येकी एक जागा भरली जाणार आहे. ठराविक कालावधीसाठी ही निवड होणार आहे. प्रोजेक्टच्या सोयीनुसार हा कालावधी वाढवला जाऊ शकतो. रिसर्च ऑफिसर पदासाठी उमेदवाराकडे स्टॅटिस्टिक्स/ पॉप्युलेशन स्टडी/ बायोस्टॅटिस्टिक्स अॅण्ड डेमोग्राफी/हेल्थ स्टॅटिस्टिक्समध्ये मास्टर डिग्री असणे गरजेचे आहे. उमेदवालाो स्टॅटिस्टिक्स सॉफ्टवेअरची माहिती असणे गरजेचे आहे. स्टॅटिस्टिक्स/ अप्लायड स्टॅटिस्टिक्स/ पॉप्युलेशन स्टडीजमध्ये एक वर्षाचा अनुभव असणे गरजेचे आहे. या पदाचा कालावधी तीन महिन्यांचा असेल. तसेच या पदासाठी उमेदवाराला ४० हजार दरमहा पगार दिला जाईल. सिनिअर रिसर्च ऑफिसर पदासाठी उमेदवाराकडे स्टॅटिस्टिक्स आणि पॉप्युलेशन स्टडीजमध्ये एमफील आणि पीचएडी डिग्री असणे गरजेचे आहे. स्टॅटिस्टिकल सॉफ्टवेअरची माहिती असणे गरजेचे आहे. एमफील डिग्रीसोबत उमेदवाराकडे स्टॅटिस्टिक्स/ पॉप्युलेशन स्टडीज/ हेल्थ इकोनॉमिक/ पब्लीक हेल्थमध्ये २ वर्षांचा अनुभव असणे गरजेचे आहे. ही भरती ३ महिन्यांच्या कालावधीसाठी असणार आहे. या पदासाठी निवड झालेल्या उमेदवारांना ६० हजार रुपये दरमहा पगार देण्यात येणार आहे. उमेदवारांनी दिनांक २० सप्टेंबर २०२१ पर्यंत ई-मेलद्वारे अर्ज पाठवायचे आहे. अर्ज सादर करण्यासाठी उमेदवारांनी projectsupportcell@iips.net या ईमेलवर अर्ज करायचा आहे. अर्जातून शॉर्टलिस्टेड केलेल्या उमेदवारांना मुलाखतीसाठी बोलावण्यात येईल. २४ सप्टेंबर २०२१ ला उमेदवारांना मुलाखतीसाठी बोलावले जाऊ शकते. उमेदवारांनी अर्ज करताना प्रोजेक्टचे नाव आणि कोणत्या पदासाठी अर्ज करत आहात ते नमुद करायचे आहे.
from Career News in Marathi: Career News, मराठी Career बातम्या | Maharashtra Times https://ift.tt/3hKEwWN
via nmkadda
