जेईई मेनच्या गुणांआधारे कोणकोणत्या संस्थांमध्ये होतात प्रवेश? Rojgar News

Advertisement

नॅशनल टेस्टिंग एजन्सी (NTA) जेईई मेन परीक्षा २०२१ चा निकाल लवकरच जाहीर करणार आहे. उमेदवार अधिकृत पोर्टलवरून आपला निकाल पाहू शकतील. यासाठी अॅप्लिकेशन नंबर आणि जन्मतारीख ही माहिती भरावी लागेल. उमेदवारांना विषयनिहाय, ओव्हरऑल, ऑल इंडिया रँक आणि कॅटेगरी रँक असा विस्तृत निकाल पाहता येणार आहे. जेईई मेनच्या स्कोअरच्या आधारे उमेदवारांना देशभरातील ३१ , २६ आणि २९ अन्य गव्हर्नमेंट फंडेड टेक्निकल इन्स्टिट्यूटस् (GFTI) मधील अभ्यासक्रमांना प्रवेश मिळू शकणार आहे. कोणत्या रँकच्या आधारे कोणत्या संस्थेत प्रवेश मिळू शकतो, याची विद्यार्थ्यांनी चाचपणी करणे महत्त्वाचे आहे. कट ऑफ गुण काय असतात? NIT, IIIT, GFIT मध्ये प्रवेश मिळालेल्या शेवटच्या विद्यार्थ्यांचे गुण म्हणजे त्या संस्थेचे त्या अभ्यासक्रमासाठी कट ऑफ गुण. हे कट ऑफ गुण जॉइंट सीट अॅलोकेशन ऑथोरिटी (JoSAA)प्रत्येक समुपदेशन फेरीनंतर ऑनलाइन जाहीर करते. जेईई मेन परीक्षेची काठिण्य पातळी, एकूण अर्ज, उपलब्ध जागा, प्रवर्ग आदि अनेक बाबींवर कट ऑफ गुण ठरत असतात. NIT मध्ये प्रवेशासाठी साधारणपणे १० हजार पेक्षा कमी रँक असावा लागतो. मात्र नव्या एनआयटीत अगदी ७० हजारच्या पुढील रँकच्या विद्यार्थ्यांच्या प्रवेशाचीही शक्यता असते. प्रत्येक संस्थेच्या धोरणानुसार याबाबतचा निर्णय घेतला जातो. सर्वसाधारण प्रवर्गांसाठी खूप जास्त स्पर्धा असते.

from Career News in Marathi: Career News, मराठी Career बातम्या | Maharashtra Times https://ift.tt/3tS3rMZ
via nmkadda