Advertisement
directs : विद्यापीठ अनुदान आयोगाने () विद्यापीठ आणि महाविद्यालयांना विद्यार्थ्यांसोबत होणाऱ्या जातीय भेदभावासंबंधी महत्वाचे निर्देश जाहीर केले आहेत. कोणताही कर्मचारी किंवा शिक्षक विद्यार्थ्यांमध्ये जातीच्या आधारे भेदभाव करणार नाही याची खात्री करा असे निर्देश यूजीसीने दिले आहेत. आयोगाने विद्यापीठांकडून जात-आधारित भेदभावाच्या तक्रारी आणि त्यांच्या संबंधात २०२०-२१ दरम्यान केलेल्या कारवाईची माहिती मागितली आहे. 'कर्मचारी आणि शिक्षकांनी सामाजिक पार्श्वभूमीच्या आधारावर अनुसूचित जाती आणि अनुसूचित जमातींमधील विद्यार्थ्यांमध्ये भेदभाव करू नये. कोणताही कर्मचारी आणि शिक्षक कोणत्याही समुदायाशी किंवा कोणत्याही वर्गाच्या विद्यार्थ्यांशी भेदभाव करत नाही, याची विद्यापीठे आणि महाविद्यालयांनी खात्री करायला हवी' असे विद्यापीठांच्या कुलगुरूंना लिहिलेल्या पत्रात, यूजीसी सचिव रजनीश जैन म्हणाले. अनुसूचित जाती आणि अनुसूचित जमाती प्रवर्गातील विद्यार्थ्यांकडून अशा तक्रारी नोंदवण्यासाठी विद्यापीठ, संस्था किंवा महाविद्यालयांच्या वेबसाइटवर एक पेज तयार करु शकता आणि तक्रार पुस्तक रजिस्ट्रार आणि प्राचार्यांच्या कार्यालयात ठेवू शकता अशा सूचना जैन यांनी आपल्या पत्रातून केल्या आहेत. अशी कोणतीही घटना अधिकाऱ्यांच्या लक्षात आल्यास संबंधित कर्मचारी किंवा शिक्षकांवर कारवाई करण्यात यावी असा स्पष्ट उल्लेखही पत्रात करण्यात आला आहे. अनुसूचित जाती, अनुसूचित जमाती आणि इतर मागास प्रवर्गातील विद्यार्थी, शिक्षक किंवा शिक्षकेतर कामगारांविरुद्ध भेदभावासंदर्भात तक्रारींवर विचार करण्यासाठी विद्यापीठे एक समिती स्थापन करू शकतात. कर्मचारी आणि शिक्षकांना जातीय भेदभावाच्या प्रकरणांना सामोरे जाताना अधिक संवेदनशीलता दाखवण्याचे आवाहन जैन यांनी आपल्या पत्रातून केले आहे.
from Career News in Marathi: Career News, मराठी Career बातम्या | Maharashtra Times https://ift.tt/398UWDq
via nmkadda