देशातील २३ आयआयटी संस्था नोव्हेंबरमध्ये घेणार संशोधन आणि विकास मेळावा Rojgar News

देशातील २३ आयआयटी संस्था नोव्हेंबरमध्ये घेणार संशोधन आणि विकास मेळावा Rojgar News

R&D meet: देशातील २३ इंडियन इन्स्टिट्यूट ऑफ टेक्नॉलॉजी (IITs) या वर्षी नोव्हेंबरमध्ये संशोधन आणि विकास (R&D) मेळाव्याचे आयोजन करणार आहे. उद्योग आणि शैक्षणिक क्षेत्रात अधिक सहभागासाठी एक व्यासपीठ मिळवून देणे हा यामगचा उद्देश असल्याचे केंद्रीय शिक्षण मंत्री धर्मेंद्र प्रधान यांनी सांगितले. देशातील सर्व भारतीय तंत्रज्ञान संस्थांच्या (आयआयटी) संचालकांसोबत झालेल्या बैठकीत त्यांनी ही माहिती दिली. आयआयटीने आयोजित केलेला हा स्वातंत्र्याच्या अमृत महोत्सवाच्या पार्श्वभूमीवर महत्त्वाचा कार्यक्रम आहे. शिक्षण मंत्री म्हणाले, '२३ भारतीय तंत्रज्ञान संस्था (IIT) यावर्षी नोव्हेंबरमध्ये संशोधन आणि विकास मेळाव्याचे आयोजन करतील. याद्वारे नवीन राष्ट्रीय शैक्षणिक धोरणानुसार अत्याधुनिक संशोधनासाठी वातावरण निर्माण केले जाऊ शकते. 'सर्व २३ आयआयटी एकत्र येतील आणि जीवनमान सुधारण्याच्या उद्देशाने भारतीय आणि जागतिक बाजारपेठेसाठी नवकल्पना विकसित करण्यावर भर देतील.' असे ते म्हणाले. हा आर अँड डी मेळवा आयआयटी पासून सुरू होत आहे आणि नंतर तंत्रज्ञान विकास आणि नावीन्यपूर्णतेसाठी नवीन वातावरण निर्माण करण्यासाठी केंद्रीय अर्थसहाय्यित तंत्रज्ञान संस्था आणि राज्य तंत्रज्ञान संस्था यामध्ये जोडल्या जातीलअसेही ते म्हणाले. IIT हा एक जागतिक ब्रँड आहे आणि अनेक संस्थांसाठी आदर्श आहे. हा मेळावा उद्योग आणि शैक्षणिक क्षेत्रातील अधिक सहभागासाठी एक व्यासपीठ निर्माण करेल असे केंद्रीय शिक्षणमंत्री धर्मेंद्र प्रधान म्हणाले. त्यांनी नुकतीच ४५ केंद्रीय विद्यापीठांच्या कुलगुरूंसोबत बैठक घेतली. यामध्ये राष्ट्रीय शैक्षणिक धोरण २०२० ची अंमलबजावणी, शैक्षणिक बँक ऑफ क्रेडिट, खुली आणि ऑनलाईन शिक्षण, शैक्षणिक सत्र २०२१-२२ ची सुरुवात, अनुसूचित जाती, अनुसूचित जमाती, इतर मागासवर्गीय आणि आर्थिकदृष्ट्या मागास विभागांच्या शिक्षकांची थकीत रिक्त पदे भरणे आणि तेथे स्वातंत्र्याच्या अमृत महोत्सवाविषयी चर्चा केली.


from Career News in Marathi: Career News, मराठी Career बातम्या | Maharashtra Times https://ift.tt/3DOkXpG
via nmkadda

0 Response to "देशातील २३ आयआयटी संस्था नोव्हेंबरमध्ये घेणार संशोधन आणि विकास मेळावा Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel