.webp)
Advertisement
Group D Exam: रेल्वे भरती बोर्ड (RRB)अंतर्गत एक लाखाहून अधिक ग्रुप डी पदांसाठी होणाऱ्या परीक्षेची तारीख लवकरच जाहीर केली जाणार आहे. देशभरातील विविध झोनमध्ये १ लाख ३ हजार ७३९ ग्रुप डी पदांवर भरतीसाठी निवड प्रक्रियेअंतर्गत पहिल्या टप्प्यात बोर्डातर्फे कॉम्प्युटर आधारित परीक्षा (CBT) घेण्यात येणार आहे. यापूर्वी परीक्षा सप्टेंबर/ऑक्टोबर २०१९ मध्ये होणार होती. इतर रेल्वे परीक्षा आणि देशभरात पसरलेल्या साथीच्या आजारामुळे रेल्वे ग्रुप डीची परीक्षा अद्याप घेण्यात आलेली नाही. दुसरीकडे, रेल्वे ग्रुप डी परीक्षा २०२१ तारखेची वाट पाहणाऱ्या उमेदवारांनी परीक्षेची तारीख जाहीर करण्याच्या मागणीसाठी सोशल मीडियावर कॅम्पेन केले होते. आरआरबी ग्रुप डी भरती परीक्षा कॉम्प्युटर आधारित अर्थात सीबीटी माध्यमातून असेल. परीक्षेचा कालावधी ९० मिनिटे असून यामध्ये एकूण १०० प्रश्न विचारले जातील. प्रत्येक प्रश्नासाठी १ गुण दिला जाईल. आरआरबी ग्रुप डी सीबीटी २०२१ मध्ये निगेटीव्ह मार्किंग देखील असेल. प्रत्येक चुकीच्या उत्तरासाठी १/३ गुण कापले जातील. या विषयांवरून विचारले जातील प्रश्न रेल्वे ग्रुप डी सीबीटी 2021 परीक्षेत गणित (२५ प्रश्न), सामान्य विज्ञान (२५ प्रश्न), सामान्य बुद्धिमत्ता आणि तर्क (३० प्रश्न) आणि सामान्य जागरूकता आणि चालू घडामोडी (२० प्रश्न) या विषयांमधून प्रश्न विचारले जातील. याचा सविस्तर तपशील पुढीलप्रमाणे गणित - संख्या प्रणाली, BODMAS, दशांश, अपूर्णांक, LCM, HCF, गुणोत्तर आणि प्रमाण, टक्केवारी, मेन्सुरेशन, वेळ आणि कार्य, वेळ आणि अंतर, साधे आणि चक्रवाढ व्याज, नफा आणि तोटा, मध्यवर्ती, भूमिती आणि त्रिकोणमिति, प्राथमिक सांख्यिकी, वर्गमूळ, वय-गणना, कॅलेंडर आणि घड्याळ, नळ आणि टाकी इ. सामान्य बुद्धिमत्ता आणि तर्क - अनुरुपता, वर्णमाला आणि संख्या मालिका, कोडिंग आणि डीकोडिंग, गणितीय ऑपरेशन्स, संबंध, प्रतीकांद्वारे सादरीकरण, जुंबलिंग, आकृती, डेटा इंटरप्रिटेशन आणि पर्याप्तता, निष्कर्ष आणि निर्णय घेणे, समानता आणि फरक, विश्लेषणात्मक तर्क, वर्गीकरण, दिशा , विधाने - युक्तिवाद आणि गृहितके इ. सामान्य विज्ञान - यामध्ये दहावी (CBSE) स्तरावरील भौतिकशास्त्र, रसायनशास्त्र आणि जैविक विज्ञान विषयातील प्रश्न असतील. वर्तमान विषयांचे ज्ञान - या अंतर्गत विज्ञान आणि तंत्रज्ञान, क्रीडा, संस्कृती, वैयक्तिक, अर्थशास्त्र, राजकारण आणि इतर महत्त्वाच्या विषयांवर आधारित प्रश्न असतील. किमान गुण मिळवणारे उमेदवार शारीरिक चाचणी देऊ शकतील. रेल्वे बोर्डाने ठरवलेल्या निवड प्रक्रियेनुसार, ज्यांनी रेल्वे ग्रुप डी सीबीटी २०२१ मध्ये श्रेणीनिहाय किमान गुण मिळवले आहेत त्यांना पुढील टप्प्यात अर्थात शारीरिक क्षमतेच्या चाचणीमध्ये गुणवत्तेच्या आधारावर समाविष्ट केले जाईल. याअंतर्गत, अनारक्षित आणि EWS उमेदवारांना CBT मध्ये उत्तीर्ण होण्यासठी किमान ४० टक्के म्हणजेच ४० गुण मिळवणे आवश्यक आहे. त्याचप्रमाणे ओबीसी (NCL), एससी आणि एसटी उमेदवारांना किमान ३० टक्के म्हणजेच ३० गुण मिळणे गरजेचे आहे. दिव्यांग उमेदवारांना त्यांच्या श्रेणीमध्ये २ टक्के अतिरिक्त सवलत दिली जाईल.
from Career News in Marathi: Career News, मराठी Career बातम्या | Maharashtra Times https://ift.tt/3kWhWwo
via nmkadda
