.webp)
Advertisement
SBI 2021: भारतीय स्टेट बँक (एसबीआय) ने लिपिक संवर्गातील फार्मासिस्ट पदावर भरतीसाठी घेण्यात येणाऱ्या ऑनलाइन परीक्षेसाठी प्रवेशपत्र जाहीर केले आहे. फार्मासिस्ट ऑनलाईन परीक्षेसाठी एसबीआय प्रवेशपत्र उमेदवारांना डाउनलोड करता येणार आहे. उमेदवार १३ सप्टेंबर २०२१ पर्यंत प्रवेशपत्र डाउनलोड करू शकतात. ज्या उमेदवारांनी स्टेट बँकेत फार्मासिस्ट भरतीसाठी अर्ज केला आहे ते अधिकृत वेबसाइट sbi.co.in वर दिलेल्या लिंकवरून एसबीआय फार्मासिस्ट प्रवेश पत्र २०२१ डाउनलोड करू शकतात. १३ सप्टेंबर २०२१ रोजी SBI द्वारे फार्मासिस्ट भरती परीक्षा घेतली जाणार आहे. SBI Pharmacist Admit Card असे करा डाऊनलोड एसबीआय फार्मासिस्ट प्रवेशपत्र २०२१ डाउनलोड करण्यासाठी उमेदवारांना बँकेच्या वेबसाइटवरील करिअर सेक्शनमध्ये जा 'SBI Recruitment' या सेक्शनमध्ये जा. फार्मासिस्ट भरती कॉल लेटरशी संबंधित लिंकवर क्लिक करा. उमेदवार नवीन पेजवर त्यांचा नोंदणी क्रमांक आणि पासवर्ड किंवा जन्मतारीख भरा. यानंतर उमेदवारांचे प्रवेशपत्र स्क्रिनवर दिसेल. भविष्यातील उपयोगासाठी प्रिटं काढून ठेवा. एसबीआयकडून 'स्वयम माहिती पुस्तिका' जाहीर भारतीय स्टेट बँकेने फार्मासिस्ट भरती परीक्षेसाठी प्रवेशपत्रासोबत उमेदवारांसाठी आवश्यक सूचना, ऑनलाईन परीक्षा योजना, विविध विषयांचे नमुना प्रश्न इत्यादीची माहिती देणारी 'स्वयम माहिती पुस्तिका' प्रसिद्ध केली आहे. उमेदवार हे 'सेल्फ इन्फॉर्मेशन बुकलेट' बँकेच्या वेबसाइटवरून किंवा बातमीखाली दिलेल्या लिंकवरून डाउनलोड करू शकतात. ऑनलाईन परीक्षेत उत्तीर्ण झालेल्या उमेदवारांना निवड प्रक्रियेच्या पुढील टप्प्यासाठी म्हणजेच मुलाखतीसाठी एसबीआयद्वारे बोलावले जाईल. ऑनलाइन चाचणी आणि मुलाखत या दोन्ही टप्प्यांत एकूण गुणांच्या आधारे अंतिम निवड यादी तयार केली जाईल. स्टेट बँक ऑफ इंडियाने लिपिक संवर्गातील फार्मासिस्टच्या एकूण ९२ पदांच्या भरतीसाठी यावर्षी एप्रिलमध्ये जाहिरात जाहीर केली होती. या पदांसाठी अर्ज करण्याची प्रक्रिया १३ एप्रिल ते ३ मे पर्यंत सुरु होती.
from Career News in Marathi: Career News, मराठी Career बातम्या | Maharashtra Times https://ift.tt/2WVtre1
via nmkadda
