CBSE: दहावी-बारावी मुख्य विषयांच्या परीक्षांसंदर्भात महत्वाचा निर्णय Rojgar News

CBSE: दहावी-बारावी मुख्य विषयांच्या परीक्षांसंदर्भात महत्वाचा निर्णय Rojgar News

CBSE 10th, 12th Term-1: केंद्रीय माध्यमिक शिक्षण मंडळ (CBSE) लवकरच दहावी आणि बारावीच्या टर्म १ परीक्षेचे वेळापत्रक जाहीर करणार आहे. वेळापत्रक जाहीर झाल्यानंतर विद्यार्थ्यांना अधिकृत वेबसाइट cbse.gov.in वर दहावी आणि बारावीचे वेळापत्रक तपासू शकतील. बोर्डाकडून मिळालेल्या ताज्या अपडेटनुसार दहावी आणि बारावीची कोणतीही मुख्य परीक्षा एकाच तारखेला होणार नाही. शाळेच्या अधिकाऱ्यांनी दिलेल्या माहितीनुसार दहावी आणि बारावीच्या कोणत्याही मुख्य परीक्षा एकाच दिवशी घेण्यात येणार नाहीत. त्यात इयत्ता दहावीचे ५ मुख्य विषय आणि बारावीचे १९ मुख्य विषयांचा समावेश आहे. प्रॅक्टीकल परीक्षेसंदर्भात आलेल्या माहितीनुसार टर्म १ प्रात्यक्षिक परीक्षेसाठी कोणत्याही बाह्य परीक्षकाची नेमणूक केली जाणार नाही. अद्याप या वृत्ताला अधिकृत दुजोरा मिळालेला नाही. दरम्यान टर्म १ च्या परीक्षेसाठी मंडळाने परीक्षा केंद्रे उभारण्याची तयारी केली आहे. बोर्डाच्या परीक्षा १५ नोव्हेंबरपासून ऑफलाइन पद्धतीने घेण्यात येतील. दहावी आणि बारावी बोर्ड परीक्षा दोन टप्प्यात दहावी आणि बारावी बोर्ड परीक्षा २०२२ दोन टप्प्यात घेतली जाणार आहे. पहिली टर्म नोव्हेंबर-डिसेंबर २०२१ मध्ये होणार आहे. मंडळातर्फे या महिन्यात परीक्षेचे सविस्तर वेळापत्रक अधिकृत वेबसाइट cbse.gov.in आणि cbse.nic.in वर जाहीर केले जाणार आहे. टर्म २ ची परीक्षा मार्च ते एप्रिल २०२२ दरम्यान घेतली जाणार आहे. टर्म १ परीक्षेचे आयोजन ४ ते ८ आठवड्यांमध्ये केले जाईल. सीबीएसई शाळांनी आधीच बोर्ड परीक्षांसाठी उमेदवारांची यादी सादर केली आहे. सीबीएसई टर्म १ बोर्ड परीक्षेतील प्रश्नपत्रिकांमध्ये मल्टीपल चॉईस प्रश्न (MCQ) असतील. परीक्षेचा कालावधी ९० मिनिटांचा असेल. प्रत्येक टर्ममध्ये ५० टक्के अभ्यासक्रमाचा समावेश करेल. बोर्डाच्या वेबसाइटवर जाऊन विद्यार्थी सुधारित अभ्यासक्रम डाउनलोड करू शकतात. CBSE टर्मवाइज अभ्यासक्रम २०२२: थेट लिंक केंद्रीय माध्यमिक शिक्षण मंडळाचा (CBSE)दहावीचा पेपर नवीन शैक्षणिक धोरण २०२० नुसार असेल. पेपरमधील क्षमता प्रश्नांची संख्याही वाढवण्यात आली आहे. केंद्र सरकारने २०२० मध्ये नवीन शैक्षणिक धोरण जाहीर केले. नवीन शैक्षणिक धोरणात देशातील शिक्षणाचा दर्जा वाढवण्यासाठी अनेक महत्त्वपूर्ण बदलांची शिफारस करण्यात आली आहे. त्यानंतर नवीन शिक्षण धोरणाच्या तरतुदी शाळा, महाविद्यालये आणि इतर शैक्षणिक संस्थांमध्ये लागू केल्या जात आहेत. सीबीएसईने दहावीच्या पेपरमध्येही याच क्रमाने बदल केले आहेत. सीबीएसई टर्म १ बोर्ड परीक्षा लवकरच घेण्यात येणार आहे. बोर्डाने नुकतीच सर्व शाळा आणि मुख्याध्यापकांना परीक्षेला बसणाऱ्या उमेदवारांची यादी सादर करण्याचे निर्देश दिले होते. सीबीएसई बोर्ड परीक्षा २०२१ नोव्हेंबर किंवा डिसेंबरमध्ये होणार आहे. केंद्रीय माध्यमिक शिक्षण मंडळाने (CBSE)ने २०२१-२२ या शैक्षणिक वर्षासाठी नमुना प्रश्नपत्रिका म्हणजेच सॅम्पल क्वेश्चन पेपर जारी केले आहेत. केंद्रीय मंडळाने, परीक्षांच्या नवीन योजनेनुसार, सीबीएसई बोर्ड परीक्षा २०२२ टर्म १ साठी नमुना पेपर जारी केले आहेत, या परीक्षा नोव्हेंबर - डिसेंबर २०२१ मध्ये घेण्यात येणार आहेत. दहावी, बारावी या दोन्हीसाठी नमुना पेपर जारी करण्यात आले असून त्या नमुना पेपर्सची थेट लिंक या वृत्तात खाली दिलेली आहे. विद्यार्थी आणि पालकांनी कृपया लक्षात घ्या की, यावर्षी पासून, कोविड १९ महामारीच्या पार्श्वभूमीवर, सीबीएसई अभ्यासक्रम दोन समान सत्रांमध्ये विभागला आहे - टर्म १ आणि टर्म २. टर्म १ हा एमसीक्यू किंवा ऑब्जेक्टिव्ह पेपर असेल आणि ५० % अभ्यासक्रमावर आधारित असेल. परीक्षा ऑफलाइन किंवा ऑनलाईन (परिस्थितीनुसार) घेतली जाईल आणि प्रश्नपत्रिका मंडळाद्वारे उपलब्ध केल्या जातील. चार प्रकारच्या परिस्थितीनुसार अंतिम परीक्षांबाबतचा निर्णय घेण्यात येईल, त्यावेळी सीबीएसई बोर्ड टर्म १ परीक्षेचे गुण अंतिम सीबीएसई बोर्ड निकाल २०२२ साठी ग्राह्य धरणार आहे. म्हणूनच या पहिल्या सत्राच्या प्रश्नपत्रिका कशा असतील त्याचे विद्यार्थी, शिक्षकांना आकलन व्हावे, म्हणून बोर्डाने सीबीएसई दहावी आणि बारावीसाठी टर्म I - MCQ आधारित पेपरचे नमुना पेपर जाहीर केले आहेत.


from Career News in Marathi: Career News, मराठी Career बातम्या | Maharashtra Times https://ift.tt/3DyyVv2
via nmkadda

0 Response to "CBSE: दहावी-बारावी मुख्य विषयांच्या परीक्षांसंदर्भात महत्वाचा निर्णय Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel