.webp)
Advertisement
CBSE term 1 board exams 2021: CBSE बोर्ड परीक्षा २०२२ टर्म १ ऑफलाईन माध्यमातून होणार आहे. पण विद्यार्थ्यांच्या एक गटाने परीक्षा ऑफलाइन आणि ऑनलाईन दोन्ही पद्धतीने आयोजित करण्याची मागणी केली आहे. विद्यार्थ्यांकडून दोन्ही पर्यायांची मागणी करण्यात आली आहे. विद्यार्थी सोशल मीडिया प्लॅटफॉर्मवर यासंदर्भात पोस्ट शेअर करण्यात येत आहे. सेंट्रल बोर्ड ऑफ स्कूल एक्झामिनेशन (CBSE) ने ही परीक्षा फक्त ऑफलाइन पद्धतीने घेण्याचे जाहीर केले आहे. परीक्षेदरम्यान करोना प्रतिबंध नियमांचे पालन केले जाईल असे बोर्डाने स्पष्ट केले आहे. आमचे अजून लसीकरण झाले नसल्याचे विद्यार्थ्यांनी सांगितले.आयसीएसई बोर्डातर्फे टर्म I ची परीक्षा हायब्रिड पद्धतीने घेण्याची शक्यता आहे. हे पाहता सीबीएसईने देखील आम्हाला हा पर्याय द्यावा असे विद्यार्थ्यांनी म्हटले आहे. २०२२ पासून ऑनलाईन बोर्ड परीक्षा घेतली जाईल असे नॅशनल इन्स्टिट्यूट ऑफ ओपन स्कूलिंग (NIOS) ने यापूर्वी म्हटले आहे. बोर्डात ४० लाख विद्यार्थी असून दरवर्षी सुमारे पाच लाख उमेदवार अंतिम परीक्षेला बसतात. एनआयओएसचे विद्यार्थी अशा भागात राहतात, जिथे इंटरनेटसारख्या सुविधा उपलब्ध नाहीत. त्यांच्यासाठी ते ऑफलाइन परीक्षा आयोजित करू असे NIOS ने म्हटले आहे. परीक्षा ऑफलाईन होणार असल्याचे सीबीएसईने आधीच स्पष्ट केले आहे. परीक्षेच्या आधी आणि नंतर शाळांचे योग्यरित्या सॅनिटाईज केले जाणार आहे. याव्यतिरिक्त निष्पक्षरित्या परीक्षा होण्यासाठी सीबीएसईद्वारे एक निरीक्षक नियुक्त केला जाणार आहे. बोर्डाने यावर्षी दोन सत्रांमध्ये परीक्षा घेतली जात आहे. ज्यामध्ये प्रत्येकी ५० टक्के अभ्यासक्रमाचा समावेश असेल. सीबीएसईच्या नोटिसनुसार अनेक विद्यार्थी त्यांची शाळा असलेल्या ठिकाणी सध्या नाहीत असे निदर्शनास आले आहे. अशावेळी विद्यार्थ्यांना परीक्षा केंद्राचे शहर बदलण्याची सुविधा दिली जाईल. विद्यार्थ्यांनी केव्हा आपल्या शाळांशी संपर्क साधायचा याचा तपशली सीबीएसईकडून देण्यात आला आहे. असा तयार होणार बोर्ड परीक्षेचा निकाल बोर्ड परीक्षेचा निकाल कसा तयार होईल याबद्दल परीक्षा नियंत्रक संयम भारद्वाज यांनी माहिती दिली आहे. विद्यार्थ्यांना परीक्षेत बसण्याची आणि त्यांची कामगिरी सुधारण्यासाठी अधिक संधी उपलब्ध करून देण्यासाठी आम्ही न्यू एज्युकेशन पॉलिसी (NEP)च्या शिफारशींचे पालन करीत आहोत. म्हणून आम्ही २ टर्म मध्ये परीक्षा आयोजित करण्याचा निर्णय घेतला आहे. टर्म १ हा वस्तुनिष्ठ प्रकार असेल आणि टर्म २ सब्जेक्टिव्ह असेल असे भारद्वाज म्हणाले. सीबीएसईतर्फे नोव्हेंबर-डिसेंबरमध्ये दहावी आणि बारावीसाठी प्रथमच ऑफलाइन बोर्ड परीक्षा घेणार आहे. सर्व विद्यार्थी अधिकृत वेबसाइट cbse.gov.in वर वेळापत्रक तपासू शकतात. यावर्षी सीबीएसई मागील वर्षी प्रमाणे एका वार्षिक परीक्षा पद्धतीऐवजी दोन बोर्ड परीक्षा घेणार आहे. टर्म १ परीक्षा वस्तुनिष्ठ प्रकार असेल. या परीक्षेचा कालावधी ९० मिनिटे असेल. हिवाळ्याच्या हंगामामुळे परीक्षा सकाळी ११.३० वाजल्यापासून सुरू होतील. दहावीच्या परीक्षा ३० नोव्हेंबरपासून सुरू होतील आणि ११ डिसेंबरला संपतील, तर बारावीच्या परीक्षा १ डिसेंबरपासून सुरू होतील आणि २२ डिसेंबरला संपतील.
from Career News in Marathi: Career News, मराठी Career बातम्या | Maharashtra Times https://ift.tt/3B1DnRe
via nmkadda
