.webp)
Advertisement
CBSE Date Sheet 2021: केंद्रीय माध्यमिक शिक्षण मंडळाने (सीबीएसई) नुकतेच पहिल्या टप्प्याचे वेळापत्रक जाहीर केले आहे. इयत्ता दहावी आणि बारावी टर्म १ परीक्षा २०२१ ही शैक्षणिक वर्षात दोन टप्प्यांमध्ये होणार आहे. बोर्डातर्फे जाहीर करण्यात आलेल्या नोटिफिकेशननुसार १८ ऑक्टोबर रोजी केवळ 'प्रमुख' विषयांच्या परीक्षांचे वेळापत्रक जाहीर करण्यात आले. अनेक विषयांची 'मेजर' आणि बाकीचे 'मायनर' यामध्ये विभागणी करण्यात आली. पंजाब भाषेचा मायनर श्रेणीत सहभाग केल्याने तिथल्या मुख्यमंत्र्यांनी यावर आक्षेप नोंदवला होता. त्यानंतर सीबीएसईने हे स्पष्टीकरण जाहीर केले आहे. यानंतर सीबीएसई बोर्डाने २० ऑक्टोबर २०२१ रोजी 'मायनर' विषयांसाठी वेळापत्रक जाहीर केले. सीबीएसईतर्फे मेजर आणि मायनर विषयाच्या विभागणीचा आधार स्पष्ट करण्यात आला आहे. सीबीएसईने दिलेल्या माहितीनुसार, विषयांचे वर्गीकरण पूर्णपणे प्रशासकीय पद्धतीने घेण्यात आले आहे. जे संबंधित विषयासाठी आणि विद्यार्थ्यांच्या संख्येच्या आधारावर निश्चित करण्यात आले आहे. पंजाबच्या मुख्यमंत्र्यांनी आक्षेप घेतल्यानंतर सीबीएसईद्वारे सोशल मीडियामध्ये स्पष्टीकरण जाहीर करण्यात आले आहे. त्यानुसार शैक्षणिक महत्त्वाच्या दृष्टीने विषयांचे वर्गीकरण कोणत्याही प्रकारे 'मेजर' किंवा 'मायनर' नसते. पंजाबी भाषा ही विविध प्रादेशिक भाषांपैकी एक आहे जी मंडळाद्वारे विविध शाळांद्वारे शिकवली जाते. सीबीएसई टर्म १ मध्ये सर्व प्रादेशिक भाषा 'मायनर' विषय श्रेणीमध्ये ठेवण्यात आल्या आहेत. ज्याचा उद्देश परीक्षेचे आयोजन करताना प्रशासकीय सुलभता यावी यासाठी हा निर्णय घेण्यात आल्याचे सीबीएसईने स्पष्ट केले आहे. पंजाबी भाषेच्या विषयाला 'मायनर' विषयांच्या वर्गवारीत समावेश केल्याने पंजाबचे मुख्यमंत्री चरणजीत सिंग चन्नी यांनी आक्षेप नोंदवला.सीबीएसईतर्फे ट्वीट करुन याचे उत्तर देण्यात आले. पंजाबच्या मुख्यमंत्र्यांनी गुरुवार, २१ ऑक्टोबर २०२१ रोजी ट्विट केले की, "पंजाबीला मुख्य विषयांपासून दूर ठेवण्याच्या सीबीएसईच्या हुकूमशाही निर्णयाचा मी तीव्र विरोध करतो. हे संविधानाच्या संघीय भावनेच्या विरोधात आहे, पंजाबी तरुणांना त्यांची मूळ भाषा शिकण्याच्या अधिकाराचे उल्लंघन आहे. मी पंजाबीसोबत झालेल्या पक्षपाती बहिष्काराचा निषेध करतो. असे त्यांनी आपल्या ट्विटमध्ये म्हटले होते. यानंतर सीबीएसईला आपले स्पष्टीकरण द्यावे लागले.
from Career News in Marathi: Career News, मराठी Career बातम्या | Maharashtra Times https://ift.tt/3nccDbU
via nmkadda
