CBSE टर्म १ परीक्षेचे वेळापत्रक सोशल मीडियात व्हायरल, बोर्डाने दिले स्पष्टीकरण Rojgar News

CBSE टर्म १ परीक्षेचे वेळापत्रक सोशल मीडियात व्हायरल, बोर्डाने दिले स्पष्टीकरण Rojgar News

fake date sheet: दहावी आणि बारावीच्या टर्म १ परीक्षा देणारे विद्यार्थी वेळापत्रकाची वाट पाहत आहेत. सीबीएसई बोर्डातर्फे लवकरच हे वेळापत्रक जाहीर केले जाणार आहे. दरम्यान सोशल मीडियावर सीबीएसई टर्म १ परीक्षेचे बनावट वेळापत्रक व्हायरल होत आहे. सीबीएसई बोर्डाने यासंदर्भात माहिती दिली आहे. सदहावी आणि बारावीच्या विद्यार्थ्यांना गोंधळात टाकणारे वेळापत्रक सध्या सोशल मीडियात व्हायरल होत आहे. या वेळापत्रकानुसार आगामी टर्म 1 परीक्षा नोव्हेंबर 2021 मध्ये होणार आहे. सोशल मीडियावर बनावट वेळापत्रक व्हायरल केले जात असल्याचे सीबीएसईने आपल्या ट्विटमध्ये म्हटले आहे. मंडळाने टर्म १ परीक्षांसंदर्भात आतापर्यंत कोणतीही अधिकृत नोटिफिकेशन जाहीर केले नसल्याचे सीबीएसईने स्पष्ट केले आहे. केंद्रीय माध्यमिक शिक्षण मंडळ (CBSE) २०२१-२२ वर्षाच्या माध्यमिक आणि उच्च माध्यमिक वर्गाच्या बोर्ड परीक्षांच्या पहिल्या टप्प्यातील अर्थात टर्म १ च्या 'प्रमुख' परीक्षांचे वेळापत्रक आज जाहीर होणार आहे. बोर्डाने १४ ऑक्टोबर २०२१ रोजी एक परिपत्रक जाहीर केले. त्यानुसार १८ ऑक्टोबर २०२१ पासून दोन्ही वर्गांसाठी नोव्हेंबर-डिसेंबर २०२१ दरम्यान होणाऱ्या टर्म १ परीक्षांचे वेळापत्रक विद्यार्थी डाउनलोड करू शकतील. बोर्डाची अधिकृत वेबसाइट cbse.nic.in वर लिंक सक्रिय झाल्यानंतर CBSE टर्म १ डेटशीट २०२२ डाउनलोड करता येणार आहे. डेटशीट फक्त प्रमुख विषयांच्या परीक्षांसाठी सीबीएसईने जाहीर केलेल्या परिपत्रकानुसार, बारावीमध्ये ११४ विषय आणि ७५ विषय घेतले जातात. या विषयांच्या परीक्षांसाठी ४० ते ४५ दिवसांचा आवश्यक कालावधी करण्यासाठी मंडळाने विषयांना 'मेजर' आणि 'मायनर' श्रेणींमध्ये विभागले आहे. वेळापत्रक जाहीर झाल्यानंतर विद्यार्थ्यांना अधिकृत वेबसाइट cbse.gov.in वर सीबीएसई दहावी आणि बारावीचे वेळापत्रक तपासू शकतील. बोर्डाकडून मिळालेल्या ताज्या अपडेटनुसार दहावी आणि बारावीची कोणतीही मुख्य परीक्षा एकाच तारखेला होणार नाही. शाळेच्या अधिकाऱ्यांनी दिलेल्या माहितीनुसार दहावी आणि बारावीच्या कोणत्याही मुख्य परीक्षा एकाच दिवशी घेण्यात येणार नाहीत. त्यात इयत्ता दहावीचे ५ मुख्य विषय आणि बारावीचे १९ मुख्य विषयांचा समावेश आहे. प्रॅक्टीकल परीक्षेसंदर्भात आलेल्या माहितीनुसार टर्म १ प्रात्यक्षिक परीक्षेसाठी कोणत्याही बाह्य परीक्षकाची नेमणूक केली जाणार नाही. अद्याप या वृत्ताला अधिकृत दुजोरा मिळालेला नाही. दरम्यान टर्म १ च्या परीक्षेसाठी मंडळाने परीक्षा केंद्रे उभारण्याची तयारी केली आहे. बोर्डाच्या परीक्षा १५ नोव्हेंबरपासून ऑफलाइन पद्धतीने घेण्यात येतील. करोना महामारीच्या पार्श्वभूमीवर, सीबीएसई अभ्यासक्रम दोन समान सत्रांमध्ये विभागला आहे - टर्म १ आणि टर्म २. टर्म १ हा एमसीक्यू किंवा ऑब्जेक्टिव्ह पेपर असेल आणि ५० % अभ्यासक्रमावर आधारित असेल. परीक्षा ऑफलाइन किंवा ऑनलाईन (परिस्थितीनुसार) घेतली जाईल आणि प्रश्नपत्रिका मंडळाद्वारे उपलब्ध केल्या जातील.


from Career News in Marathi: Career News, मराठी Career बातम्या | Maharashtra Times https://ift.tt/3piUHzb
via nmkadda

0 Response to "CBSE टर्म १ परीक्षेचे वेळापत्रक सोशल मीडियात व्हायरल, बोर्डाने दिले स्पष्टीकरण Rojgar News"

टिप्पणी पोस्ट करा

Iklan Atas Artikel

Iklan Tengah Artikel 1

Iklan Tengah Artikel 2

Iklan Bawah Artikel