.webp)
Advertisement
म. टा. प्रतिनिधी, औरंगाबाद कृषी पदवी अभ्यासक्रमाच्या थेट दुसऱ्या वर्षात प्रवेशासाठीची (Direct Second Year B.Sc Agri ) प्रवेश प्रक्रिया सुरू झाली आहे. महाराष्ट्र कृषी शिक्षण व संशोधन परिषदेने (Maharashtra ) गुरुवारी प्रवेश प्रक्रियेचे वेळापत्रक जाहीर केले. वेळापत्रकानुसार विद्यार्थ्यांना २ नोव्हेंबरपर्यंत ऑनलाइन नोंदणी पूर्ण करावी लागणार आहे. कृषी तंत्रनिकेतन पदविकाधारकांना पदवी अभ्यासक्रमाच्या थेट दुसऱ्या वर्षात प्रवेश देण्यात येतो. थेट दुसऱ्या वर्ष कृषी पदवी अभ्यासक्रम प्रवेश प्रक्रियेचे वेळापत्रक जाहीर करण्यात आले. २०२१-२२ शैक्षणिक वर्षाच्या प्रवेश प्रक्रियेत विद्यार्थ्यांना नोंदणीची प्रक्रिया ऑनलाइन करावी लागणार आहे. विद्यार्थ्यांना https://ift.tt/3b2wPqU या वेबसाइटवर प्रवेशोत्सुक उमेदवारांनी नोंदणी करावी लागणार आहे. नोंदणी करतेवेळी उमेदवाराने वैयक्तिक माहिती, शैक्षणिक माहिती, अधिभार, प्रवर्गविषयक माहिती भरावयाची असून त्याच्याशी संबंधित मूळ कागदपत्रे स्कॅन करून वेबसाईटवर अपलोड करावयाची आहेत. एकापेक्षा जास्त प्रवेश अर्ज दाखल केल्यास शेवटचा अर्ज विचारात घेतला जाईल, असे परिषदेने म्हटले आहे. या प्रक्रियेत १६ नोव्हेंबर रोजी पहिली प्रवेश फेरी होणार आहे. दुसरी प्रवेश फेरी २२ नोव्हेंबर रोजी होणार आहे. आणि केंद्रनिहाय ऑनलाइन प्रवेश फेरी १९ नोव्हेंबर ते १ डिसेंबर या कालावधीत राबविण्यात येणार आहे. प्रवेश प्रक्रियेचे सविस्तर वेळापत्रक, प्रवेश माहिती पुस्तिका वेबसाइटवर उपलब्ध करून देण्यात आलेली आहे. उमेदवारांनी विचारपूर्वक जास्तीत जास्त महाविद्यालयांचे विकल्प भरावेत, उमेदवाराची गुणवत्ता, प्रवर्ग आणि विद्यार्थ्याने दिलेल्या महाविद्यालयाचा प्राधान्यक्रम या बाबी विचारात घेऊन प्रवेशाचे वाटप करण्याची पद्धती अवलंबली जाणार आहे, असे संचालक हरिहर कौसडीकर यांनी म्हटले आहे. ९४ महाविद्यालये; १९९३ जागांवर प्रवेश राज्यात चार कृषी विद्यापीठांमध्ये कृषी विद्याशाखेची ९४ महाविद्यालये आहेत. यामध्ये १८ सरकारी व दोन अनुदानित आणि ७४ विनाअनुदानित महाविद्यालयांचा समावेश आहे. राहुली येथील महात्मा फुले कृषी विद्यापीठात ३४, अकोला येथील डॉ. पंजाबराव देशमुख कृषी विद्यापीठांतर्गत २५, परभणी येथील वसंतराव नाईक मराठवाडा कृषी विद्यापीठांतर्गत २७ आणि दापोली येथील डॉ. बाळासाहेब सावंत कोकण कृषी विद्यापीठ अंतर्गत ८ महाविद्यालयांचा समावेश आहे. शासकीय कॉलेजांमधील ४१५ व विनाअनुदानित कॉलेजांमधील १५७८ अशा १९९३ जागांवर प्रवेश दिले जाणार आहेत. शासकीय महाविद्यालये.... १८ अनुदानित महाविद्यालये.... २ विनाअनुदानित महाविद्यालये.. ७४ शसकीय महाविद्यालयांची प्रवेश क्षमता... ४१५ विनाअनुदानित महाविद्यालयांमधील प्रवेश क्षमता... १५७८
from Career News in Marathi: Career News, मराठी Career बातम्या | Maharashtra Times https://ift.tt/3aZUVmb
via nmkadda
